Павлодардағы колонияда сотталғандарға бауырсақ пісіруден шеберлік сағаты өткізілді

Сотталғандар Қазақстанның әр өңірінен келген және олардың бауырсақ пісіру тәсілдері де әр түрлі болып шықты.
Олардың ішіндегі шеберлері өздерінің аспаздық қабілеттерін көрсетті. Жазасын өтеушілер бауырсақтың 3 түрін – тәтті қосылған, қарапайым тұщы түрін және сүзбе қосылған бауырсақты жасап көрді.
"Мекеменің асханасы ерекше күйге енді, аспаздар бар жан-тәнімен бауырсақ жасауға кірісті. Бауырсақсыз ешқандай мерекелік шара өтпейді. Әсіресе олар ыстық кезінде өте дәмді ", – дейді колония қызмектерлері.
Шараға қатысқан сотталғандар еліміздің әр өңірінен келген, сәйкесінше олардың дайындау әдістері де әр түрлі болды. Шеберлік сағаты аяқталған соң пісірілген бауырсақтар сотталғандарға мекеменің асханасында таратылды.