ҚАЖ комитетінің төрағасы Пенитенциарлық қызметтер басшылары кеңесінің IX отырысына қатысты.

Душанбеде Тәуелсіз Мемлекеттер Достастығына қатысушы мемлекеттердің пенитенциарлық қызметтері басшылары кеңесінің IX отырысы өтті.

Отырысқа Қылмыстық-атқару жүйесі комитетінің төрағасы Теңізжан Жәнібеков те қатысты.

Іс-шараға Беларусь, Қазақстан, Қырғызстан, Ресей, Тәжікстан, Өзбекстан, ТМД-ға қатысушы мемлекеттердің Терроризмге қарсы орталығының және ТМД Атқарушы комитетінің өкілдері қатысты. Кездесуге қатысушыларға ТМД бас хатшысының орынбасары Нұрлан Сейтімов сәлем жолдады. Онда қылмыстық жазаларды орындау саласындағы арнайы функцияларды іске асыру бойынша пенитенциарлық қызметтердің өзара іс-қимылын үйлестіруді қамтамасыз етудегі кеңестің рөлі атап өтілді.

Жұмыс барысында кеңес мүшелері кеңестің алдыңғы отырысының шешімдерінің орындалуы туралы ақпаратты тыңдады, сондай-ақ Достастық мемлекеттеріндегі пенитенциарлық саладағы ахуал және ондағы өзара іс-қимылдың негізгі бағыттары туралы пікір алмасты. Пікірталас барысында ынтымақтастықтың оң нәтижелері аталып өтілді, сондай-ақ проблемалық мәселелер мен өзара іс-қимылдың негізгі бағыттары белгіленді.

 

Сондай-ақ, отырыста Қылмысқа қарсы күрестің 2024-2028 жылдарға арналған бірлескен шараларының мемлекетаралық бағдарламасын іске асыру мәселелері талқыланды, Пенитенциарлық қызметтер басшылары кеңесінің құзыреті бойынша ТМД-ға қатысушы мемлекеттердің терроризм мен экстремизмге қарсы күрестегі 2023-2025 жылдарға арналған ынтымақтастық бағдарламасы іс-шараларының орындалу барысы қаралды.

 

Пенитенциарлық қызметтер басшылары кеңесінің кезекті отырысын 2025 жылы Өзбекстанда өткізу туралы шешім қабылданды.