Колониядағы жылыжайларда қияр мен қызанақтың рекордтық өнімі күтілуде

Солтүстік Қазақстан облысы бойынша қылмыстық-атқару жүйесі мекемелерінде кәсіпкерлерге жылыжай бизнесін жүзеге асыруға және бас бостандығынан айыру орындарындағы сотталғандарды жұмысқа орналастыруға мүмкіндік берілген.
Қазіргі уақытта Солтүстік Қазақстан облысы бойынша ҚАЖ мекемелерінің аумағында 3 жылыжай жұмыс істейді, оның аумағы жыл бойы саңырауқұлақтар, қызанақ, қияр, болгар бұрыштарын өсіруге мүмкіндік береді.
Мәселен, әйелдер мекемесінде ауданы 120 ш. м. жылыжайға арналған ғимаратты жергілікті жеке кәсіпкер жайластырылып, қалпына келтірілді.
"2019 жылы 200 кг қияр мен 100 кг қызанақ жинап алынды. Биылғы жылы өнімді екі есеге көбейту жоспарланып отыр, себебі карантин жағдайында жеміс-көкөністерге деген сұраныс өсуде және біз осы қиын уақытта өз үлесімізді қосуға ниеттіміз. Сондай-ақ, ағымдағы жылы біз саңырауқұлақ отырғызып бастадық. Алғашқы өнімнен-ақ сотталған әйелдер 20 кг шампиньон алды, - дейді кәсіпкер Елена Шмагнова.
Сонымен қатар, сотталған ер адамдар ұсталатын орташа қауіпсіз мекемесінде 15 жыл бойы жасыл желекті өсіретін жылыжай жұмыс істейді, онда 3 сотталған жұмысқа орналастырылған.
Жиналған өнім жергілікті дүкендерге сатуға жіберіледі,сондай-ақасханаларға беріледі. Сондай-ақ, астық сотталғандардың тамақтану рационын әртүрлілікке, олардың ағзасын дәрумендермен қамтамасыз етуге және иммунитетті нығайтуға мүмкіндік береді.
Қазіргі уақытта СҚО бойынша ҚАЖ мекемелерінде сотталғандарды жұмыспен қамту 71% -ды құрайды. Облыстық ҚАЖ департаменті жұмысқа орналасқандардың санын барынша ұлғайту үшін мекемелерде өз ісін ашу үшін шағын және орта бизнес өкілдерін тарту, сол арқылы қалған сотталған адамдарды жұмысқа орналастыру мәселесін қарастырып жатыр.
Өз кезегінде колонияда табыс табу сотталғандарға талап-арыздарын төлеуге, қажетті заттарды саты палуға, кейде туған-туысқандары мен жақындарына көмектесуге мүмкіндік береді.