ҚАЖ мекемесіндегі жазасын өтеушіні ақшаға босатып беруге уәде берген жамбылдық тұрғын ұсталды

Полиция бөліміне Шу қаласының тұрғыны өтініш білдірді. 57 жастағы әйел бір ер адамның ұлын түрмеден босатуға көмектесуге уәде бергенін айтты. Өз қызметі үшін ол 3 млн теңге көлемінде қаражат сұраған, алайда ақшаны алғаннан кейін әртүрлі сылтаулар айтып қашқақтап жүрген.
Осы дерекке қатысты ҚР ҚК-нің 190-бабы 1-бөлігі (Алаяқтық) бойынша сотқа дейінгі тергеу амалдары басталды.
Жедел-іздестіру іс-шараларын жүргізу кезінде Шу ауданының полиция қызметкерлері 32 жастағы жергілікті тұрғынды анықтап, ұстады.
Істің барлық егжей-тегжейлі мән-жайларын анықтау үшін қажетті жедел-тергеу шаралары жүргізіліп жатыр.
Аталған қылмысты жасағаны үшін ҚР ҚК-ге сәйкес мүлкі тәркіленіп, екі жылға дейінгі мерзімге бас бостандығын шектеу, не сол мерзімге бас бостандығынан айыру түріндегі жаза көзделген.