Ақтөбеде пробация есебінде тұрған сотталғандар үстел теннисінен жарысқа түсті

Ақтөбе облысы бойынша ҚАЖ департаментіне қарасты Ақтөбе қаласының Астана аудандық пробация қызметі және қалалық жастар ресурстық орталығы бірлесіп, пробация есебінде тұрған кәмелет жасқа толмаған сотталғандар арасында үстел теннисы ойынынан жарыс ұйымдастырды.
Пробация есебінде тұрған сотталғандар арасында қайта қылмыстық құқық-бұзушылық санының өсу жағдайларын жою, сондай-ақ пробация қызметінің есебінде тұрған кәмелет жасына толмаған жасөспірімдердің бос уақыттарын пайдалы өткізу және белсенділіктерін арттыруды мақсат еткен ойын қатысушыларына ойын соңында «Салауатты өмір салты» тақырыбында тәрбиелік мәні бар дәріс-сұхбат жүргізілді.