СҚО бойынша ҚАЖД қызметкерлері фильмнің түсіріліміне қатысты

Шамамен екі апта бұрын Петропавл ормандарында «Қара қыз» көркем фильмінің түсірілімі басталды. Кинокартинаны Мәдениет және спорт министрлігінің қолдауымен белгілі режиссер, сценарист, кинодраматург, Қазақстанның Халық әртісі, профессор Талғат Досымғалиұлы Теменов түсіреді.
Қосымша ретінде түсірілімге СҚО бойынша ҚАЖ департаментінің Петропавл қаласының ведомстволық бағынысты мекемелері мен пробация бөлімінің қызметкерлері шақырылды. Түсірілімге 20-ға жуық қызметкер қатысып, актерлік ойынның өте жоғары деңгейін көрсетті. Түсірілім алаңында әр актерге өзіндік рөл, неміс фашистерінің әскери формасы түріндегі костюмдер және қаруларының реквизиттері берілді.
«Әр адам бір кездері фильмге түсуді армандаған шығар. Сонымен, бізге отандық киноны түсіруге қатысудың осындай ерекше мүмкіндігі пайда болды. Талғат Теменов режиссерлік еткен фильмге түсу біз үшін мәртебе. Ол сондай-ақ әйгілі «Алтыншы пост» фильмінің түсірілімін басқарған. Бүгін біз жаңа тәжірибе мен керемет сезімге ие болдық. Сол кездегі оқиғаларды толық сезіне алдық», - деп бөлісті пробация қызметінің инспекторы Думан Абаев.
Кинокартина көрерменге әскери драма жанрында ұсынылады. Фильмдегі оқиғалар 1941 жылы орын алады, мазмұнында үш достың оқиғасы – Асқарбек, Қарабай және Григорий майданға алынғаны жайлы айтылады. Кейінірек олардың артынан Асқарбектің әкесі майданға аттанады, ол ұлын табуға тырысады. Тағдыр олардың екеуі де бір дивизияда бұл туралы білмей соғысатындай етіп басқарылады. Фильмнің тұсаукесері 2023 жылдың көктеміне жоспарланған.