ШҚО-да ҚАЖ қызметкерлері «Мейірімді жүрек» қайырымдылық акциясын ұйымдастырды

Шығыс Қазақстан облысы бойынша ҚАЖ департаменті ОВ 156/22 мекемесінің қызметкерлері ауыр дертке шалдыққан балаға арнап «Мейірімді жүрек» іс-шарасын ұйымдастырды.
Акцияға Шығыс Қазақстан облысы бойынша Қылмыстық-атқару жүйесінің қызметкерлері қатысып, үш жастағы Санжардың еміне қаржылай көмек көрсетті.
– Ауыр дертке шалдыққан кішкентай Санжардың дерті туралы естіп, жұмыла көтерген жүк жеңіл деп, бірігіп, ата-анасына Санжардың еміне қаржылай көмек бердік. Сондай-ақ, мекемеміздің сотталғандарын жұмыспен қамтып отырған Азамат Смаков та акцияны қолдады.
Бұл акцияларды өткізудің негізгі мақсаты – қоғамда қиын өмірлік жағдайға тап болған отбасылардың мәселелеріне қол ұшын беру. Санжардың болашақта ауыр дертінен сауығып кетуі үшін алдағы уақытта барынша қолымыздан келгенінше қолдау көрсетуді жалғастырамыз, – деп бөлісті мекеме бастығы Руслан Тоқтыбаев.