Қызылордада ҚАЖ қызметкерлері жалғыз басты әкенің балаларына мектеп құралдарын табыстады

Республика көлемінде өткізіп жатқан «Мектепке жол» дәстүрлі қайырымдылық науқанына Қызылорда облысы бойынша ҚАЖ департаментінің ЗК-169/5 мекемесінің ұжымы да өз үлестерін қосты.
Аталған акцияның мақсаты – аз қамтылған және көп балалы отбасылар, жетім балалар мен ата-анасының қамқорлығынсыз қалған балалардың мектепке дайындығына көмек көрсету.
ЗК-169/5 мекемесінің қызметкерлері үш баласы бар жалғыз басты әкенің үйіне барып, балаларына жаңа оқу жылына мектепке қажетті құралдар мен тәттілер алып барды. Мектеп жасындағы үш бала үшем – 8 сыныпта оқиды, анасы қайтыс болған.
Балалардың әкесі балаларға мектеп сөмкелерін сатып алып бере алмағанын айтып, қызметкерлердің осы қиын-қыстау уақытта көмектескендеріне қуанып, мекеме ұжымына көрсеткен қолдауы үшін алғысын айтып, еңбектеріне табыс тіледі.