Балалар колониясының кітапханасы электронды кітаптармен толықты

Алматы қаласы бойынша Қылмыстық-атқару жүйесі департаментінің ЛА-155/6 мекемесінде ауыр және аса ауыр қылмыстар жасағаны үшін 53 сотталған ұсталады. Бұл еліміздегі кәмелетке толмағандарға арналған жалғыз колония. Олар 9-сыныптан 11-сыныпқа дейін қазақ және орыс тілдерінде оқиды, аяқтаған соң жалпы орта және негізгі орта білім туралы аттестат алады.

Ішкі істер министрінің орынбасары Мұрат Баймұқашев адам құқықтары жөніндегі Уәкіл Э.Әзімовамен, Орталық Азиядағы PRI Өкілдігінің басшысы Ж. Назаровамен, "Адам құқықтары үшін Хартия" қоғамдық қорының директоры Ж. Тұрмағамбетовамен бірге сотталған жасөспірімдердің жазасын өтеу жағдайымен танысты.
Қалалық ҚАЖ департаментінің бастығы Дархан Қанатбеков жұмыс сапарының қатысушыларына тәрбие және оқу процестерінің барысымен, Білім және ғылым министрлігімен балалар колониясын материалдық және техникалық жабдықтаудағы өзара іс-қимыл жасалып жатқаны туралы айтты.
"Кәмелетке толмағандар жазасын өтеп жатқан мекемеде білім беру саласына айрықша көңіл бөлінеді. Колонияда алынған білім қазіргі заманға сай болуы керек және қоғамда оңай әрі жеңіл бейімделуіне ықпал етуі керек. Колонияның кітапхана қоры қажетті оқулықтармен, оның ішінде материалдық-техникалық құралдармен үнемі толықтырылып отырады. Жақында ғана Алматы қаласы білім басқармасы біздің оқушылар үшін 15 компьютер, оларға 10 үстел, 144 парта, 288 орындық, 15 кітап шкафын, 12 оқу тақтасын сыйлады", - деп атап өтті ҚАЖД басшысы Дархан Қанатбеков.
Өз кезегінде Департамент материалдық көмекті техникалық және заттай мүлік түрінде де ұйымдардың көрсететінін атап өтті. Мәселен, Қазақстан Республикасындағы Адам құқықтары жөніндегі уәкілдің және Орталық Азиядағы PRI Өкілдігінің көмегімен жасөспірімдерге ноутбук пен 10 электрондық кітап сыйға тартылды.
Сонымен қатар, колонияда компьютерлік сыныптар бар, онда оқушылар жалпы білім беретін мектеп негізінде де, орта арнайы білім алу кезінде де заманауи білім ала алады.
"Қазақстанның пенитенциарлық жүйесі сотталғандардың орта және кәсіптік білім алуы үшін қолайлы жағдай жасайтыны қуантады. Осы мақсатта қамаудағылардың білім деңгейін арттыру бойынша бірқатар іс-шаралар жүргізілуде. Біз үкіметтік емес ұйымдардың өкілдері ретінде, алға қойылған міндеттерді іске асыруда әрдайым көмек көрсетуге дайынбыз. Сондай - ақ, сотталғандарға ұстау шарттары мен қамаудағыларды мерзімінен бұрын босату мүмкіндігін айқындайтын көтермелеу алуға мүмкіндік беретін "Шекарасы оқу" пилоттық жобасының іске қосылғанын атап өткен жөн", - деп түйіндеді Орталық Азиядағы PRI Өкілдігінің жетекшісі Жанна Назарова.