Жас сарбаз ҚАЖ мекемесінің қарауылындағы алғашқы кезекшілігінен кейін алған әсерімен бөлісті

Атбасар қаласының 5510 әскери бөлімінің 4 атқыштар ротасының плацында жас сарбаздардың қарауылға бірінші кезекшілікке түсуіне арналған іс-шара өтті.
Іс-шараны өткізуге Ақмола облысы бойынша ҚАЖД ЕЦ-166/4 мекемесінің басшылығы, келісімшарт бойынша әскери қызметшілер және 5510 әскери бөлімінің офицерлері қатысты.
5510 әскери бөлімі штабы бастығының аға көмекшісі, подполковник Ерғали Жұмаділов жас сарбаздарға сөз сөйледі: «Қарауылдық қызметті атқару, жауынгерлік міндетті орындау сарбаздан Жарғыны дәл сақтауды, жоғары қырағылықты, Отанға қалтқысыз қызмет етуді талап етеді».
Мекеме бастығының орынбасары әділет майоры Жеңіс Ибраев өз тарапынан: «Сіздердің әрқайсыңызға әскери борышын адал орындауларыңызды, мықты денсаулық және сәттілік тілеймін!»
Әскери қызметшілерге қарауылға түскен кезде әрқашан есте сақтау керек негізгі сәттер тезисімен белгіленген жадынамалар табыс етілді.
Жас сарбаз Алексей Дружинин алғашқы кезекшілігінен алған әсерлерімен бөлісті.
«Бізді қарауылдық қызметті атқаруға барынша мұқият дайындады – біз теорияны зерттеумен ұзақ уақыт айналыстық, ішкі және қарауылдық қызметтің жарғысын бірнеше сағаттар бойы оқыдық.
Жарғының ережелері, менің ойымша, өмір бойы жадында қалады және жас сарбаздың негізгі міндеттерін айқындайды.
Алғашқы кезекшілігімді аяқтағаннан кейін мен қызметтің теориясы мен шындығын бірдей емес екенін түсіндім.
Өз қызметімнен бастап, мекемедегі және колониядағылардың өмірін бақыладым. Кәдімгі өз ережелерімен өлшенген, күнделікті өмір.
Сонымен бірге, осы адамдарға қарап, олардың тарапынан қандай да бір елеулі заң бұзушылықтар болған жағдайда, қару қолдануға болатынын түсінесің және бұл қызметкерлер мен азаматтардың қауіпсіздігін қамтамасыз ете отырып, тәртіпті қорғау біздің парызымыз бен міндетіміз екені түсінесің. Осындай сәттерде сотталғандардың қашуы бойынша, мысалы, 2010 жылы Ақтау қаласындағы колониядан қашу бойынша жағдайлар еріксіз еске түседі.
Сол кезде мерзімді қызметтегі қатардағы жауынгер Ербол Отарбаев, менің құрдасым, батырлық танытып, Қарулы сотталғандарға қарсы тұрды.
Тек қазір, мұнда қызметте, сіз қарауылдың қаншалықты жауапты және маңызды екенін түсіне бастайсыз».