Бостандыққа шыққан сотталғандарды Атырау колония қақпасында күтіп алуға туыстары ғана келмеген

Өткен жұмада Атырау облысы бойынша ҚАЖ Департаментінің УГ-157/9 түзеу мекемесінен үш азамат сотталған мерзімінің аяқталуына байланысты бостандыққа шықты.
Атырау облысы бойынша Қылмыстық-атқару жүйесі департаментінің УГ-157/9 мекемесінің бастығы Думан Тәженов айтып өткендей, олардың екеуіне — Атырау қаласының тұрғыны мен Өзбекстан азаматына әлеуметтік қолдау қажет болды. Думан Тәженовтың айтуынша, Атыраудың 42 жастағы тұрғыны бас бостандығынан айыру орындарында есірткі сақтағаны және притонды ұстағаны үшін бес жыл өткізген. Оның өмірі осылай болды, түзету мерзімін өтегеннен кейін оның баратын жеріде жоқ.
Сондықтан УГ-157/9 мекемесінің басшылығы Атырау қаласының «Тұрақты тұратын жері жоқ адамдарды әлеуметтік бейімдеу орталығы» мемлекеттік мекемесінің өкілдерімен алдын ала байланысқан. Босатылғаннан кейін бірден бейімдеу орталығының әлеуметтік қызметкері осы азаматты колонияның қақпасында күтті. Бұрынғы сотталған, ал қазір толыққанды азамат орталықта орналасады және барлық құжаттарды қалпына келтіруге көмектеседі.
Бас бостандығынан айыру орындарынан босатылған екінші адам ұрлық жасағаны үшін екі жыл түрмеде отырған Өзбекстан азаматы болды. Оны колония қақпасында көші-қон қызметінің қызметкері және Атыраудағы өзбек диаспорасының өкілі қарсы алды. Думан Тәженовтың айтуынша, көші-қон қызметінде Өзбекстан азаматы өз Отанына оралуы үшін барлық қажетті құжаттарды рәсімдеуге көмектеседі.
Д.Тәженов атап өткендей, УГ-157/9 әлеуметтік органдармен өзара іс-қимыл бойынша мұндай жұмыс бұрыннан қалыптасқан және ҚАЖ мекемелерінен босатылған және әлеуметтік қолдауды қажет ететін бірде-бір азамат мемлекеттік органдардың назарынан тыс қалмайды.