Шымкентте пробациялық бақылаудан жалтарған сотталған адам ұсталды

Жедел-іздестіру іс-шараларын жүргізу кезінде Шымкент қаласының №2 пробация қызметі бөлімінің, сондай-ақ Абай ауданының ПБ криминалдық полиция бөлімінің қызметкерлері бас бостандығын шектеу түріндегі жазаны өтеуден жалтарған сотталғанды ұстады.
Жас жігітті 2018 жылы Қазақстан Республикасы Қылмыстық кодексінің 291-бабының 1-бөлігінде көзделген «Атыс қаруын, оқ-дәрілерді, жарылғыш заттарды немесе жарылғыш құрылғыларды ұрлау не қорқытып алу» қылмысы үшін соттаған, сот оны Шымкент қаласы бойынша ҚАЖ департаментінің қауіпсіздігі барынша жоғары мекемесінде үш жылға бас бостандығынан айырды.
2019 жылы сот оның жазаның өтелмеген бөлігін бас бостандығын шектеуге ауыстыру туралы қаулы шығарды. Алайда, бір жылдан аз уақыттан кейін сотталған адам кезекті тіркеуге келмеді, содан кейін іздеу жарияланды.
- Сотталған жалтарған сәттен бастап оның орналасқан жерін анықтау бойынша профилактикалық іс-шаралар тұрақты түрде жүргізілді. Сондай-ақ, ағымдағы жылдың маусым айында «Шартты түрде» Республикалық профилактикалық іс-шарасы өткізілді, оның барысында пробация қызметінің қызметкерлері сотталғандарды қылмыстың қайта жасалуы, әкімшілік құқық бұзушылықтар жасау тұрғысынан толық тексеру және жазасын өтеуден жалтарған адамдарды анықтау бойынша жұмыс ұйымдастырды. Жүргізілген жұмыстың арқасында іздестірілушінің орналасқан жерін анықтау мүмкін болды, - деп атап өтті Пробация қызметінің бастығы Елена Литвинова.
Сотталған адамға қатысты материалдар бас бостандығын шектеуді бас бостандығынан айыруға ауыстыру туралы мәселені қарау үшін сотқа жіберілді.