Ақмола ҚАЖД мекемесінде сотталғандар себеттер, үстел ойындарын және жылыжай қаңқаларын жасайды

Сотталғандарды жұмыспен қамту - ҚАЖ қызметінің негізгі бағыттарының бірі. Бұл үшін облыс мекемелерінде жұмыс орындарының санын арттыру және өндірістің жаңа түрлерін ашу үшін мүдделі қызметтер қызметкерлері шағын және орта бизнес өкілдері үшін бірқатар іс-шаралар, жұмыс кездесулері, ашық есік күндерін өткізеді.
«Еңбек – Көкшетау» РМК-мен бірлескен жұмыс нәтижесінде Ақмола облысы бойынша ҚАЖД ЕЦ-166/25 мекемесінде «Сахиев» ЖК ағаштан және металдан жасалған бұйымдарды орындау бойынша жаңа өндіріс ашылды, онда алғашқы кезде он сотталған жұмысқа орналасты.
«Жұмыс жалғасады деп үміттенемін, жұмысшылар жақсы жұмыс істейді, болашақта біз көбірек тапсырыстар алып, жұмысқа орналасқан сотталғандардың санын көбейте аламыз деп ойлаймын», - дейді жұмыс беруші.
Сотталғандардың жұмыспен қамтылуы - бұл зейнетақыны есептеу кезінде қажет еңбек өтілі. Сотталғандардың еңбекақысынан талап арыздарын өтеуге, сот үкімі бойынша тағайындалған алимент пен айыппұл төлеуге мүмкіндік береді.
«Қазір жаз мезгілінде мангалдар, жылыжайларға арналған қаңқалар, қоршаулар, түрлі сәндік бұйымдар жасау бойынша тапсырыстар сұранысқа ие. Барлығын үлгеруге тырысамыз, жалақымыз біздің өндірісімізге байланысты. Тапсырыстардың бар болғаны жақсы. Біз көбірек тапсырыс рындасақ – табысымыз да көбірек болады. Талаптарымызды өтеуге де, үйімізге де ақша жіберуге мүмкіндік болады», - дейді сотталған Жасұлан.