Ақмола облысы бойынша ҚАЖД бастығы азаматтармен көшпелі қабылдауды өткізді

Ақмола облысы бойынша ҚАЖ департаментінің бастығы Степногорск қаласында азаматтарды көшпелі қабылдау өткізді.
Ақмола облысы бойынша Қылмыстық-атқару жүйесінің басшысы Қайрат Айдарбеков ЕЦ-166/18 мекемесіне барып, сондағы колония штабында Степногорск және оған жақын елді мекендердің тұрғындарымен кездесу ұйымдастырды.
– Бұл іс-шараның мақсаты - күрделі және шешімін таппаған мәселелерді тыңдау. Сovid-19 бойынша шектеу шаралары жағдайында азаматтардың маған жеке қабылдауға келулеріне мүмкіндігі жоқ. Сондықтан, менің ойымша, бұл кездесу екі тарапқа да қажет, - деп атап өтті Ақмола ҚАЖД бастығы.
Сағат онға дейін мекеменің кіреберісінде бірнеше адам жиналып, бір-біріне өз тарихын, сұрақтары мен толқуларын айтып берді. Көп ұзамай кездесуге келгендермен жұмыс басталды. Кездесу ұсыну, тамақтану нормалары, сотталғандарға медициналық көмек көрсету, сотталғандардың хаттар мен өтініштер беру мүмкіндігіне қатысты сұрақтарға жауаптардан басқа, қабылдауға келген адамдарға «Қазақстан Республикасы Тәуелсіздігінің отыз жылдығына байланысты рақымшылық жасау туралы» ҚР Заңының жобасы туралы ақпарат бойынша түсініктеме жұмыстары жүргізілді. Барлық сұрақтарға жауап алып, степногорлықтар ұйымдастырылған кездесу үшін облыстық ҚАЖ басшысына алғыстарын білдірді.
- Менің ұлым қылмыс жасағаны үшін жазасын өтеп жатыр, ол осы мекемеде жеті жыл жазасын өтеп келеді, ҚАЖ департаментінің бастығы туыстарының сұрақтары бойынша мұндай қабылдауды алғаш рет өткізіп отыр. Бұл іс-шара өте ыңғайлы, алдын-ала жазылусыз өткізіледі және бәрін сұрауға мүмкіндік бар. Бүгінгі жағдайда бізбен кездесуге мүмкіндік тапқаныңыз және сотталғандарға туыстарымен бейне байланыс арқылы қарым-қатынас жасауға мүмкіндік жасағаныңыз үшін алғыс айтқым келеді. Ұлым мамандықты колония қабырғасында алды, қолдау мен түсіністік үшін көп рахмет, – дейді сотталғанның анасы.
Қайрат Айдарбеков тұрғын үй аймағының, мекеменің асханасының, медициналық бөлімнің, өнеркәсіптік аймақтың және ұзақ кездесу бөлмесінің үй-жайларын аралап шықты.