Қызметтік міндеттерін орындау барысында Қылмыстық-атқару жүйесінің 22 қызметкері қайтыс болған

ҚАЖ-дың 22 қызметкері Қазақстан Тәуелсіздігі жылдары қызметтік міндеттерін атқару кезінде қайтыс болды.
Қазіргі уақытта ҚР ІІМ Қылмыстық-атқару жүйесі Комитетінің басшылығымен 80 мекеме (63 колония, 16 тергеу изоляторы және бір түрме) жұмыс істейді. Мұнда ұсталатын адамдардың саны 33 мыңнан астам сотталған және тергеу қамауындағылар құрайды.
Бүгінде Қазақстанның пенитенциарлық жүйесі жазаны орындаудың қалыптасқан жүйесі болып табылады. Мекемелердің құқық қолдану функцияларының тиімділігін арттыру, оларды қадағалау және қорғау мәселелері белсенді пысықталуда. Сотталғандарға шағым беруге арналған электрондық терминалдар, жаппай бейнебақылау, жылжымалы бейнетіркеуіштер, ҚАЖК бөлімшелеріне енгізілген электрондық дүкендер мен биометриялық терминалдар жазасын өтеп жатқан, ұсталған және есепке алынған азаматтарды бақылауды қамтамасыз ете отырып, елдің Қылмыстық-атқару жүйесінің әлеуетін күшейтеді.
Қызметтің негізгі бағыттарын реформалаумен қатар ҚАЖ комитетінің жеке құрамы өзіне ведомстволық бағынысты бөлімшелермен бірлесіп ведомствоның үздік дәстүрлерін сақтап келеді. Жыл сайын полиция күні қызметшілер қызметтік міндеттерін атқару кезінде қаза тапқан қызметкерлерді еске алады. Тәуелсіздік жылдарында Қазақстан 22 табанды және өз ісіне берілген жауынгерлерден айырылды. Олардың арасында лейтенанттар, подполковниктер, полковниктер, капитандар және әлі де жас сержанттар болды. Өлім қаупіне қарамастан, олар сотталғандардың топтық қарулы қашуына қарсы тұрып, оларға мекемелердің сызығын кесіп өтуге жол бермей, өз өмірлерін құрбан еткен.
2000 жылғы қарашадағы оқиғалар Сабырбековтар отбасы үшін қызметтің аса қауіптілігін еске салады. Табысты фельдшер, екі жас баланың әкесі және сүйікті жары, ішкі істер органдарының кіші лейтенанты, қазір кәмелетке толмаған сотталғандарға арналған колония ретінде белгілі Алматы қаласы тергеу изоляторының медициналық бөлімінің қызметкері болды.
2000 жылғы 30 қарашаға қараған түні қызметтік міндеттерін атқару кезінде сотталған жасөспірімдердің қашуын тоқтату барысында 26 жастағы Айдарбек қаза тапты. Оның артында үш жасар қызы Аяулы және үш айлық ұлы Ұлан ғана қалды.
Айта кету керек, Қылмыстық - атқару жүйесі органдарында тек ер адамдар ғана қызмет етпейді. Бүгінде 4 мыңнан астам әйел пенитенциарлық құрылымның дамуына баға жетпес үлестерің қосуда, олардың кәсібилігі мен табандылығы еш күмән тудырмайды. Ер адамдармен қатар олар жоғары психологиялық стресске және жоғары қауіпке тап болады.
Осылайша, 2008 жылғы желтоқсанда Ақмола облысы бойынша ҚАЖ департаменті ЕЦ-166/24 мекемесінің қызметкері Ольга Василевская қызметтік міндеттерін орындау кезінде қаза тапқан. Жас қыз Көкшетау қаласындағы колония-қоныс жасағының бастығы болып жұмыс істеді. Ашық, біреудің қайғысына сезімтал, ол әріптестерінің құрметіне жылдам ие болып, сотталғандар да жас лейтенанттың мейіріміне бөленген. Ольга мекемеде жазасын өтеп жатқан ер адамды өлтіргені үшін сотталғанның қолынан қаза тапты, мән-жайлар бойынша ол еш күдіктенбестен қауіппен бетпе-бет жалғыз қалды. Ольга Василевскаяны 10 жыл бойы әріптестері еске алып, ерекше құрметтейді, оның жарқын бейнесін жас қызметкерлерге насихаттайды. Қыз өз отбасында құруына уақыты болмай, бала кезінен оның тірегі анасы мен інісі ғана болды.
Әскери және қызметтік борышын үлгілі атқарғаны, заңдылықты, сондай-ақ құқықтық тәртіпті қамтамасыз ету кезінде көрсеткен батылдығы мен жанқиярлығы үшін Қазақстан Республикасы Президентінің Жарлығымен ҚАЖ қызметкерлерін қайтыс болғаннан кейін «Ерлігі үшін» медалімен марапаттады.