Қарағандыда көкөніс түріндегі дүкенде жасырын казино ұйымдастырған

Қарағанды қаласының 41 жастағы тұрғыны ойын бизнесін ұйымдастырғаны үшін бір жылға бас бостандығын шектеуге және 100 сағаттық мәжбүрлі еңбекке үкім шығарды.
Өткен жылдың тамыз айында қала тұрғыны үш ойын автоматын сатып алып, дүкендердің бірінде көкөніс сату деген атпен тиісті лицензиясыз ойын бизнесін ұйымдастырды.
Құмар ойыншылар жиі дүкенге барып, уақыттарын автоматтарда өткізді. Жерасты бизнесінің иесі терминалда ақша болмаған жағдайда жеңімпаздармен хабарласып, оларға ұтыстарын төлеп тұрды.
Дегенмен, жерасты казиносы ұзақ уақытқа созылмады, бірнеше айдан кейін ол жабылып, әйелге қатысты қылмыстық іс қозғалды.
«Октябрь ауданының пробация қызметінде ойын бизнесін ұйымдастырғаны үшін сотталған адам тұрады. Бір жыл ішінде азаматша 100 сағаттық мәжбүрлі еңбекті өтеуі тиіс, жалтарған жағдайда бас бостандығын шектеу бостандығынан айыруға ауыстырылады», - деп хабарлады Қарағанды облысы бойынша ҚАЖД бастығының орынбасары әділет полковнигі Бекболат Шәкіров.
Сот шешімі бойынша ойын автоматтары жойылуы тиіс.