Ақтөбеде ҚАЖД басшылығы түзеу мекемесінде қызмет мерзімін аяқтаған сарбаздарды марапаттады

Ақтөбе облысы бойынша ҚАЖ департаментінің басшылығы түзеу мекемесінің қарауылдық күзетін абыроймен орындаған және әскери қызмет мерзімін аяқтаған Ұлттық Ұлан 6655 1-ші атқыштар ротасының сарбаздарын алғыс хаттармен марапаттады.⠀
Әскери борышын орындау үшін КА-168/2 орташа қауіпсіз мекемесіне 55 сарбаз түсті.⠀
ҚАЖ департаменті бастығының орынбасары әділет полковнигі Дулат Жұмагелдин тәртіп сақшыларын қызметін аяқтауымен құттықтап, Ақтөбе облысы ҚАЖ департаментінің бастығы Алмас Шәмішевтің атынан алғыс білдірді:⠀
«Түзеу мекемелеріндегі тыныштықты қорғайтын жауынгерлердің еңбегі баға жетпес. Бұл өте қиын жұмыс, ол ерекше шыдамдылықты, қырағылықты, батылдықты қажет етеді және сіз оны керемет атқардыңыз! Отан алдындағы борышыңызды адал орындайтыңызға сенімдімін!»⠀
Одан кейін бастықтың тәрбие ісі жөніндегі орынбасары, әділет майоры Қанат Мақатов мекеме бастығының атынан сарбаздарды құттықтап, алғыс хаттар табыс етті.⠀
«Түзеу мекемесіне қарауылға түскен кезде командирлеріміз бізді психологиялық тұрғыдан дайындайды. Жеке өзім әскерге түзеу мекемесіне қарауылдық қызметке түскеніме өкінбеймін. Бұл жерде мен жауапкершілікті, батылдықты, адалдық пен өмірдің құндылығын үйрендім»,- деп бөлісті 1-ші атқыштар ротасының сарбазы Мұстафа Исмаил.⠀