«Адамдардың жарақаттануларына немесе қаза болуларына әкеп соққан жол-көлік оқиғалары туралы» есеп нысанын және оны қалыптастыру жөніндегі нұсқаулықты бекіту туралы» Қазақстан Республикасы Бас Прокурорының 2015 жылғы 16 қарашадағы № 131 бұйрығына өзгерістер енгізу туралы» Қазақстан Республикасы Бас Прокурорының бұйрық жобасына баспасөз хабарламасы

2024 жылғы 11 қазанда НҚА ашық деректер интернет-порталында (https://legalacts.egov.kz/npa/view?id=15231216) Бас Прокурордың «Қазақстан Республикасы Бас Прокурорының 2015 жылғы 16 қарашадағы № 131 бұйрығына өзгерістер енгізу туралы  «Адамдардың жарақаттануларына немесе қаза болуларына әкеп соққан жол-көлік оқиғалары туралы» есеп нысанын және оны қалыптастыру жөніндегі нұсқаулықты бекіту туралы» бұйрығының жобасы орналастырылды.

Осы жобамен:

«Жүргізуші» ұғымы 2024 жылғы 3 қазандағы «Қазақстан Республикасының кейбір заңнамалық актілеріне көлік құралдарының жекелеген түрлерінің қозғалысын ұйымдастыру және жол қауіпсіздігін цифрландыру мәселелері бойынша өзгерістер мен толықтырулар енгізу туралы» Заңына сәйкестендірілді;

жол-көлік оқиғаларын есепке алудан жасыру фактілерін жою үшін облыстардың, республикалық маңызы бар қалалардың және астананың жергілікті денсаулық сақтау органдарына ай сайын есепті кезеңнен кейінгі айдың 3-күніне, ҚСжАЕК-ның аумақтық органына апат кезінде жараланғандар мен қаза тапқандар туралы ақпаратты электронды түрде беру тапсырылды;

көлік құралы жүргізушісінің шаршап басқаруына байланысты ЖКО туралы ақпаратты субъектілердің толтыруының бірыңғай тәжірибесі енгізілуде;

АЖ мониторингі кезінде бұзушылықтар анықталған жағдайда прокурорлар оларды дербес жояды, бұл құқықтық статистикалық ақпараттың тұтастығын, сенімділігін және жеткіліктілігін қамтамасыз етеді.

Бұйрық жобасының жария талқылауы 10 жұмыс күні ішінде жүргізіледі.

 

 

Бас прокуратураның баспасөз қызметі