ҚР Үкіметінің кейбір қаулыларына өзгертулер енгізу туралы

2022 жылдың 1 ақпанында Бас прокуратура 2021 жылдың 27 желтоқсанында қабылданған «Қазақстан Республикасының кейбір заңнамалық актілеріне құқық қорғау органдары, прокуратура және сот арасында өкілеттіктердің және жауапкершілік аясының аражігін ажырата отырып, үш буынды модельді ендіру мәселелері бойынша өзгерістер мен толықтырулар енгізу туралы» № 88-VII ҚРЗ Қазақстан Республикасының Заңын іске асыру мақсатында Үкіметтің кейбір қаулыларына өзгертулер мен толықтырулар әзірленіп, «электронды үкімет» порталының «Ашық НҚА» порталында жарияланған:

1. Үкіметтің 2014 жылғы 9 жетоқсандағы «Соттың, прокуратура, қылмыстық қудалау және сот сараптамасы органдарының қылмыстық істер бойынша заттай дәлелдемелерді, алып қойылған құжаттарды, ұлттық және шетелдік валютадағы ақшаны, есірткіні, психотроптық заттарды алып қою, есепке алу, сақтау, беру және жою қағидаларын бекіту туралы» № 1291 қаулысына (https://legalacts.egov.kz/npa/view?id=13982231):

• заттай дәлелдемелерді қылмыстық іске тіркеу тәртібін реттейтін ҚПК-тің 118 бабының 2 бөлігі және 119 бабының 1 бөлігіне сәйкестендіру мақсатында өзгерістер енгізілген.

2021 жылдың 27 желтоқсанында қабылданған «Қазақстан Республикасының кейбір заңнамалық актілеріне құқық қорғау органдары, прокуратура және сот арасында өкілеттіктердің және жауапкершілік аясының аражігін ажырата отырып, үш буынды модельді ендіру мәселелері бойынша өзгерістер мен толықтырулар енгізу туралы» № 88-VII ҚРЗ Қазақстан Республикасының Заңымен қылмыстық теріс қылықтар жөніндегі істердің тергелуі әкімшілік құқық бұзушылықтар жөніндегі істер секілді бірнеше процессуалдық шешімдер мен іс әрекеттерді бір хаттамада жазу арқылы жеңілдетілді.

Мысалы, қылмыстық теріс қылық туралы хаттамада заттарды, құжаттаржы және басқа да мүлікті заттай дәлелдемелер ретінде тану және оларды іске қосу, процестік шығындарды анықтау, сондай-ақ қорғаушының қызметінен бас тарту өтініш көрсетілетін болады.

2. Үкіметтің 2014 жылғы 21 қарашадағы «Кепіл нысанасын қабылдау, бағалау, сақтау, қайтару, өткізу, оған өндіріп алуды қолдану және кепілді мемлекет кірісіне айналдыру қағидаларын бекіту туралы» № 1219 қаулысына (https://legalacts.egov.kz/npa/view?id=13982285):

- кепіл түрінде бұлтартпау шарасын бұзу және өзгерту тәртібін реттейтін ҚПК-тің 153 бабының 5 бөлігіне сәйкестендіру мақсатында өзгерістер енгізілген.

Өзгерту кепіл ретінде бұлтартпау шарасын жойылған жағдайда кепілді қайтару тәртібін өзгертумен байланысты.

ҚПК-тің 153 бабының 3 бөлігіне енгізілген өзгерістерге сәйкес тергеу судьясы санкциялаған бұлтартпау шарасын жою мүмкіндігі прокурордың келісімімен сотқа дейінгі тергеп-тексеру органына да берілді.

Көпшілікпен талқылау мерзімі 10 жұмыс күнін құрайды.