Еуропалық парламент депутаттарымен кездесу туралы

Бас прокуратурада Еуропалық парламенттің Адам құқықтары жөніндегі кіші комитет төрағасының орынбасары Кристиан Дэн Пред бастаған Еуропалық Парламенттің делегациясымен кездесу өтті.

Шетелдік қонақтар прокуратура органдарының қызметімен, сондай-ақ азаматтардың құқықтары мен бостандықтарын қорғау, демократия және заң үстемдігі қағидаттарын қамтамасыз ету саласындағы істермен танысады.

Делегация мүшелері қазақстандық тарапқа ашықтығы мен еуропалық қауымдастықты қызықтыратын бірқатар мәселелер бойынша пікір алмасу мүмкіндігі үшін алғыс білдірді.

Депутаттар нақты істер бойынша прокурорлар ұсынған ақпарат пен құжаттамалық мәліметтерге қанағаттанушылық білдірді.

Сонымен қатар, тараптар адам құқықтары және қылмыспен күрес саласындағы одан әрі ынтымақтастықтың аспектілерін талқылады.

Кездесу соңында тараптар сындарлы диалог үшін ризашылықтарын білдірді және одан әрі ынтымақтастыққа ниет білдірді.

Қазақстан Республикасы Бас прокуратурасының баспасөз қызметі