Қ.Қожамжаровтың Қырғызстанның Бас прокурорымен екіжақты кездесуі туралы

5 желтоқсан, 2018 жыл, Астана. Бүгін Қазақстан Республикасының Бас Прокуроры Қайрат Қожамжаров пен Қырғызстанның Бас прокуроры Откурбек Джамшитовтың екіжақты кездесуі өтті.

Әріптестер ведомствоаралық ынтымақтастықты нығайту және заңнамалық базаны кеңейту аспектілерін талқылады.

Трансұлттық қылмыспен, экстремизммен және терроризммен күрестегі сындарлы қатынастар, сондай-ақ ұрланған мүлікті қайтару бойынша бірлескен күш-жігер оң бағаланды.

«Келісілген сенім шаралары бізге қылмыстық істер бойынша құқықтық көмек көрсету туралы Кишинев конвенциясын орындау мәселелерін тез және жедел шешуге мүмкіндік береді», - деп атап өтті Қайрат Қожамжаров.

Өз кезегінде Джамшитов Откурбек Джеймшитов сотталғандарды көшіру саласында қол жеткізілген ынтымақтастық туралы атап өтті.

Соңғы 2 жыл ішінде іздеуде жүрген 11 адам Қырғызстаннан Қазақстанға, 17 азамат Қырғызстанға экстрадицияланды.

Осы кезеңде Қазақстан Қырғызстанға сотталған 19 азаматын берді, 3 қазақстандық біздің елге экстрадицияланды. Лаңкестік ұйымдармен күрес және оларды қаржыландыру саласындағы ынтымақтастық аспектілері бөлек айтылды.

Қазақстанның Бас прокуроры шетелдік әріптесін екіжақты қатынастарды одан әрі кеңейтуге дайын екендігіне сендірді.

Еске салсақ, Астана қаласында өткен «Өңіраралық ынтымақтастықты нығайту және ұйымдасқан қылмысқа қарсы күресті күшейту» халықаралық конференциясына шет мемлекеттердің қадағалау органдары өкілдерінің қатысуы аясында Бас прокурор Қ.Қожамжаров бірқатар екіжақты кездесулер өткізді.