Қазақстан Республикасы Бас Прокурорының бұйрығымен әділет кеңесшісі Жолдас Жалғасұлы Асқаров Солтүстік-Қазақстан облысы Аққайың ауданының прокуроры болып тағайындалды.

Жолдас Жалғасұлы Асқаров еңбек жолын 2014 жылы Қызылорда облысы Қызылорда қаласы прокурорының көмекшісі лауазымынан бастаған.

Кейінгі жылдары Қызылорда облысы прокуратурасының қылмыстық процестің сотқа дейінгі сатысындағы заңдылықты қадағалау басқармасының бөлім прокуроры, Астана қаласы Алматы ауданы прокуратурасының мемлекеттік айыптаушылар бөлімінің прокуроры, аға прокуроры, Астана қаласы Байқоңыр ауданы прокуратурасының қылмыстық қудалау бөлімінің бастығы, Астана қаласы Сарыарқа ауданы прокуратурасының қылмыстық қудалау бөлімінің бастығы болып қызмет атқарған.

2023 жылғы желтоқсаннан бастап Астана қаласы Алматы ауданы прокурорының орынбасары.

Құқық қорғау қызметіндегі өтілі 16 жыл, прокуратура органдарындағы өтілі 11 жылдан астам.

Отбасылы, 2 бала тәрбиелеп отыр.

Заңдылық пен құқықтық тәртіпті нығайтуға қосқан үлесі үшін «Мінсіз қызметі үшін» II және III дәрежелі ведомстволық медальдармен және «Прокуратура үздігі» төсбелгісімен марапатталған.