Комитет арнайы есепке алудың мынадай түрлерін жүргізуді жүзеге асырады:

1) қылмыстық құқық бұзушылық жасаған, қылмыстық жауаптылыққа тартылатын адамдарға;

2) ұсталғандарды, күзетпен ұсталғандарды және сотталған адамдарды дактилоскопиялық есепке алу;

3) анықтаудан, тергеуден, соттан жасырынған адамдарды, сондай-ақ жазаны өтеуден немесе пробациялық бақылауды жүзеге асырудан жалтарған адамдарды;

4) хабар-ошарсыз жоғалған адамдарды;

5) жеке басы анықталмаған мәйіттер;

6) әкімшілік жауаптылыққа тартылған адамдар;

6-1) қылмыстық құқық бұзушылық жасағаны үшін қылмыстық жауаптылыққа тартылған адамдарға;

7) Сот әрекетке қабілетсіз және әрекет қабілеті шектеулі деп таныған адамдарды;

8) белгілі бір лауазымдарды атқару немесе белгілі бір қызметпен айналысу құқығынан айырылған адамдарға;

9) сыбайлас жемқорлық құқық бұзушылық жасаған адамдарға;

10) бақылау және қадағалау органдары жүзеге асыратын және Қазақстан Республикасының заңнамасында белгіленген тәртіппен уәкілетті органда тіркелетін тексерулер;

10-1) террористік қызметті жүзеге асырғаны үшін жауаптылыққа тартылған адамдарға, сондай-ақ сот террористік деп таныған ұйымдар мен ақпараттық материалдарға;

11) экстремизмді жасағаны үшін жауаптылыққа тартылған адамдарды, сондай-ақ сот экстремистік деп таныған ұйымдар мен ақпараттық материалдарды;

11-1) Мемлекеттік қызметке кір келтіретін тәртіптік теріс қылықтар жасаған адамдарға;

12) теріс себептер бойынша мемлекеттік қызметтен босатылған адамдарды;

13) адамдардың қаза табуына немесе жаралануына әкеп соққан жол-көлік оқиғалары;

14) атқарушылық құжаттар бойынша міндеттемелерді орындамаған тұлғаларға, сондай-ақ әкімшілік айыппұл салу туралы қаулыларды ерікті түрде орындамаған тұлғаларға;

15) атқарушылық іс жүргізу бойынша борышкерлер, мемлекет мүддесінде қойылған талаптар бойынша, сондай-ақ алименттерді өндіріп алу, мертігуден немесе денсаулығына өзге де зақым келтіруден, асыраушысының қайтыс болуынан келтірілген зиянды өтеу туралы жауапкерлер болып табылатын іздестіріліп жатқан адамдарға;

16) Қылмыстық жолмен алынған ақшаны және (немесе) өзге де мүлікті жария ету (жылыстату) және терроризмді қаржыландыру үшін жауаптылыққа тартылған адамдарды;

16-1) кәмелетке толмағандарға жыныстық тиіспеушілікке қарсы қылмыстық құқық бұзушылықтар жасағаны үшін қылмыстық жауаптылыққа тартылған адамдарға;

16-2) туыстарымен байланысын жоғалтқан адамдар;

16-3) өзі туралы анықтамалық деректерді хабарлауға қабілетсіз адамдар;

17) Қылмыстық жолмен алынған ақшаны және (немесе) өзге де мүлікті жария етуге (жылыстатуға) және терроризмді қаржыландыруға байланысты тәркіленген мүліктің сомалары;

18) өзара құқықтық көмек және Қылмыстық жолмен алынған ақшаны және (немесе) өзге де мүлікті заңдастыруға (жылыстатуға) және терроризмді қаржыландыруға байланысты өзге де халықаралық сұрау салулар.