Туристік полиция қызметі

Шетелдіктер елде болған кезеңде олардың жайлылығы мен қауіпсіздігі үшін 10 өңірде (Нұр-сұлтан, Алматы, Шымкент қалалары, Ақмола, Алматы, Шығыс Қазақстан, Қарағанды, Маңғыстау, Павлодар және Түркістан облыстарында), мәдениет объектілері, қалалардың көрікті жерлері мен курорттық аймақтар орналасқан жерлерде туристік полиция жұмыс істейді.

Негізгі функциялары мен міндеттері:

- өз құзыреті шегінде туристік объектілердің аумағын патрульдеу және туристерге түрлі жағдайларда көмек көрсету;

- туристік объект аумағындағы азаматтардың өмірін, денсаулығын, мүлкін, құқықтары мен бостандықтарын қылмыстық және өзге де құқыққа қарсы қол сұғушылықтардан қорғау;

- әкімшілік құқық бұзушылықтарды анықтау және жолын кесу, қылмыстардың жолын кесу және қылмыскерлерді «ізін суытпай» ұстау бойынша қажетті шаралар қабылдау;

- көші-қон заңнамасын бұзғаны үшін шетелдік азаматтарды туристік объектінің орналасқан жері бойынша полиция органына жеткізу;

Туристік полиция қатарында 159 полиция қызметкері жұмыс істейді. Олар 28 туристік нысанға қызмет көрсетеді.

Жыл басынан бері туристік полиция қызметкерлеріне түрлі мәселелер бойынша 819 шетелдік азамат жүгінді.

Мысалы, ағымдағы жылдың 8 қазанында Түркістан қаласына Оңтүстік Кореядан бір топ шетел азаматтары келді. Экскурсиядан кейін екі мүше топтан артта қалып, оларды қажетті мекен-жайға жеткізген қызметкерлерге жүгінді.