Ашық диалог

Әкім мен журналистер арасындағы 2 сағаттық диалог облыстық «Ertis» арнасының эфирінде көрсетілді. Жаңалық жаршылары  Болат Бақауовқа кез келген сұрақтарын қоя алды. Ең жиі қойылған сұрақтардың бірі экология мен қоршаған ортаға байланысты болды. Осыған қоса масс-медиа қызметкерлері су арнасының салынуы жоспарланған алқаптағы 6 мың ағаштың болашақ жағдайы жөніндегі уайымдарын білдірді.

– Біз бұлардың «жеңіл» қалалар екенін түсінеміз, – деп жауап берді облыс басшысы. – Құрылыс барысында әрдайым бірдеңені құрбан етуге тура келеді, сол себепті мемлекеттік сараптамадан өткеннен кейін біз экологиялық жағдай үшін алаңдайтын мемлекеттік емес ұйымдармен ақылдасып, шешім қабылдаймыз. Әсіресе экология жылы біз бұл мәселені минималды шығындарды жұмсау арқылы шешуіміз керек.

Сонымен қатар журналистер облыстың «7-20-25» ипотекалық бағдарламасын жүзеге асыруға дайындығы жөнінде сұрады. Әкім, өз кезегінде, Нұрсұлтан Назарбаев ұсынған жаңа бағдарламаның өз үйін сатып алғысы келетін жас ұрпақ үшін үлкен көмек болатынын атап өтті. Сонымен қатар Болат Бақауов ауылдардың дамуы жөнінде көзқарасын білдірді.

– Шынымды айтсам,  жағдай қанағаттанарлық емес, себебі ауылдық елді мекендер бойынша мәселе өте көп,- деді ол. – Сіздер өткен жылы біздің тірек ауылдарды дамыту бойынша үлкен бағдарламаны жүзеге асыра бастағанымыз жөнінде білесіздер ме? Тірек ауылдардың бірі – Евгеньевкада біз барлық ауыл әкімдерінің қатысуымен жиын ұйымдастырып, мысал арқылы ауылдың қандай болу керектігін көрсеттік.

Аумақ бастығы барлық қойылған сұрақтарға жауап берді және call-центр мен WhatsApp-тың жедел желісіне келіп түскен сұрақтарды жуық арада оқып, оларға жауап жіберемін деп уәде берді.