Облыстың түкпір-түкпірінен келген медицина қызметкерлері Павлодардың провизорлық ауруханаларында жұмыс істеуге жұмылдырылады

Қала және аудан әкімдері провизор пациенттерімен жұмыс істеу үшін облыс орталығына баруға дайын бұрынғы медицина қызметкерлері мен жоғары медицина оқу орындарының түлектері арасында кадрларды белсенді іздестіруде. COVID-19-ға қарсы шараларды үйлестіру жөніндегі жедел штабтың кезекті онлайн-отырысының тақырыбы стационарлардың медицина кадрларымен қамтамасыз етілуі болды.
­
Облыс әкімі Әбілқайыр Сқақов бұған дейін провизорлық ауруханаларда жұмыс істейтін медицина кадрларын іздеуді күшейтуді тапсырған болатын. Бүгін ол қала және облыс әкімдерінің осы бағыттағы жұмыстардың барысы туралы есептерін тыңдады.
­
- Алпысқа жуық адам, оның үштен бірі медициналық білімі барлар, бұқаралық ақпарат құралдарында, әлеуметтік желілерде және интернет-ресурстарда орналастырылған хабарландыруға жауап берді. Сонымен қатар білім беру ұйымдарымен, жеке медициналық ұйымдармен және басқалармен жұмыс істейміз, - деді Павлодар қаласының әкімі Қайрат Нүкенов. - Денсаулық сақтау басқармасымен тығыз байланыстамыз, барлық мәліметтерді таратып отырмыз.
­
Облыстың түкпір-түкпірінен медицина саласының бұрынғы қызметкерлері мен медициналық жоғары оқу орындарының түлектері жұмылдыруда. Жақын күндері 20-дан астам адам аудандардан Павлодарға аттанады. Өңір басшысы мамандарды іздеуді жалғастырып, ауруханаларда жұмыс істеуге ниетті мамандарға ақы төлеу және әлеуметтік төлемдер мәселесі бойынша түсіндіру жұмыстарын күшейтуді тапсырды.
­
Өткен тәулікте облыстың провизорлық ауруханаларына 367 адам түсті, 231 адам шығарылды. Ауруханаға жатқызылғандардың көпшілігі Павлодардан - 276 пациент.
­
COVID-19-ға қарсы шараларды үйлестіру жөніндегі жедел штабтың баспасөз орталығы