Павлодарда ағымдағы жылу беру маусымында жылу желілеріндегі ақауларды 20%-ға азайтуға қол жеткізілді

Өңір басшысы Асайын Байханов Павлодар қаласында жылу беру маусымын өткізу бойынша және келесі маусымға дайындық жоспарлары туралы 3-ЖЭО-да көшпелі жиналыс өткізді.

Ағымдағы жылу беру маусымына дайындық барысы кезінде үш ЖЭО-дағы 15 негізгі жабдық жөнделді, 30 км жылу желілерін жөндеу және реконструкциялау жұмыстары жүргізілді. Осы жасалған іс-шаралардың барлығы ақауларды 20%-ға азайтуға мүмкіндік берді.

2024 жылы ағымдағы жылу беру маусымы аяқталғаннан кейін павлодарлық ЖЭО-дағы тағы 15 негізгі жабдыққа жөндеу және шамамен 25 км желіге ағымдағы жөндеу жұмыстарын жүргізу жоспарлануда. Сондай-ақ, Қамзин көшесі бойында ЖМ-13 жаңа жылу магистралінің және Абай-Кривенко көшелері ауданында ТСС-5 жаңа сорғы станциясының құрылысы жоспарланған.

Ағымдағы жылу беру маусымының аяқталуының және жылумен жабдықтау желілерінде гидравликалық сынақтар жүргізудің болжамды мерзімі:
- Оңтүстік желілік аудан бойынша - 15-22 сәуір аралығында;
- Солтүстік желілік аудан бойынша - 26-30 сәуір аралығында.

Осы іс-шаралар аяқталғаннан кейін сынақтан өткен желілер 5-7 күн ішінде іске қосылады. Ақаулар анықталған жағдайда оларды жою және кейіннен ыстық суды қосу жұмыстары жүргізіледі.

Гидравликалық сынақтардың қорытындысы бойынша барлық жөндеу-қалпына келтіру жұмыстарын жүргізу және Павлодарда ыстық сумен жабдықтауды толығымен қалпына келтіру:
- Оңтүстік желілік аудан бойынша 25 мамырға дейін;
- Солтүстік желілік аудан бойынша 31 мамырға дейін жоспарлануда.

- Бір жылу беру маусымын аяқтай салысымен, біз бірден келесі маусымға дайындықты бастаймыз. Бұл барлық деңгейдегі әкімдер мен бейінді мемлекеттік органдардың жұмысындағы маңызды сұрақтардың бірі, сондықтан, ауқымды жұмыстар жүргізу қажет, - деп атап өтті облыс әкімі.

Асайын Байханов алдағы жылу беру маусымына сапалы дайындықты қамтамасыз етуді, сондай-ақ, тұрғындарды алдағы іс-шаралар туралы хабардар етіп отыруды тапсырды.

Павлодар облысы әкімінің баспасөз қызметі
Суреттерді түсірген Валерий Бугаев