Облыс қалаларындағы сумен жабдықтау желілерінің ұзындығы 1263,1 км, ал су бұру желілері 892,9 км құрайды
Жөндеуді талап ететін желілердің ұзындығы бүгінгі күні сумен жабдықтау 65,5%, су бұру 54,4%-ды құрайды.
Желілердің және құрылыстардың жағдайын жақсарту мақсатында 2019 жылы «Өңірлерді дамытудың 2020 жылға дейінгі» бағдарламасы шеңберінде 15 жоба іске асырылды.
Жоба шеңберінде барлығы 33,5 км су бұру, 34,9 км сумен жабдықтау және 19 көтергіш сорғы станциясын салу және қайта жаңарту орындалды.
Амортизациялық аударымдар мен меншікті қаражат есебінен коммуналдық кәсіпорындар 2019 жылы 13,7 км сумен жабдықтау және 4 км су бұру желілерін күрделі жөндеу мен қайта жаңартуды орындады.
2020 жылы «Өңірлерді 2020 жылға дейінгі дамыту» бағдарламасы шеңберінде сумен жабдықтау және су бұру объектілерінде 17 жобаны іске асыру жоспарланған. Жобалар шеңберінде 22,5 км су бұру және 27,3 км сумен жабдықтау желілерін салу және қайта жаңарту орындалады.
Амортизациялық аударымдар мен меншікті қаражат есебінен коммуналдық кәсіпорындар ағымдағы жылы 22,2 км сумен жабдықтау және 9 км су бұру желілерін күрделі жөндеу мен қайта жаңартуды жоспарлануда.