Ағымдағы жылдың 15 қаңтарында VII шақырылған Павлодар облыстық мәслихатының 1 сессиясы өтті. Сессияға облыс әкімі Әбілқайыр Сқақов, облыс әкімінің орынбасарлары, облыстық аумақтық сайлау комиссиясының мүшелері, облыстың қалалары мен аудандарының әкімдері, БКБ режиміндегі Облыстың мемлекеттік органдарының басшылары қатысты.
Облыстық мәслихат депутаттарын сайлау қорытындылары туралы облыстық аумақтық сайлау комиссиясының төрайымы Г. Аманжолова хабардар етті. Ол сайлау процесіне 14 аумақтық, 532 учаскелік сайлау комиссиялары қатысқанын атап өтті.
Облыстық мәслихатқа 4 саяси партияның өкілдері ұсынылып, 67 кандидат тіркелді. Дауыс беруге қатысқан сайлаушылар дауысының жеті және одан да көп пайызын алған саяси партиялар үшін депутаттық мандаттар былайша белгіленген: "Nur Otan" партиясы - 27 мандат, "Ауыл"партиясы - 3 мандат, "Ақ жол" партиясы-2 мандат. "Қазақстан Республикасындағы сайлау туралы" Заңға сәйкес облыстық сайлау комиссиясы сайлау қорытындысын шығарып, Павлодар облыстық мәслихатының сайланған 32 депутатын тіркеді. Алтыншы шақырылымның 6 депутаты депутаттық қызметін жалғастырады, бұл 18,8% - ды құрайды. Ұлттық құрамы бойынша: қазақтар-24, орыстар-4, 1 неміс, 1 татар, 1 венгр және 1 молдаван.Депутаттық корпуста 11 әйел бар, бұл депутаттардың жалпы санының 31,3% - ын құрайды. Депутаттардың орташа жасы-45 жас. Сайлау барысында облыста 4 мыңнан астам бақылаушы қатысты.