Ағымдағы жылғы 10 сәуірінде Павлодар облысы әкімінің орынбасары А.Қ. Маликованың төрағалығымен Әйелдер істері және отбасылық-демографиялық саясат жөніндегі облыстық комиссияның отырысы өтті. Жиынға комиссия мүшелері, қалалар мен аудандар әкімдіктерінің орынбасарлары, сондай-ақ қоғамдық ұйымдар қатысты.
Отырыста бірқатар өзекті мәселелер қаралды. Атап айтқанда, жастар арасында отбасылық құндылықтарды насихаттау, саналы ата-ана болу мәдениетін қалыптастыру және Әкелер кеңесінің жұмысын күшейту мәселелері талқыланды. Сонымен қатар әйелдердің репродуктивті денсаулығын сақтау, ана мен нәресте өлімі көрсеткіштерін төмендету, Денсаулықты қолдау орталықтарының қызметін жетілдіру бағыттары қаралды. Бұдан бөлек, әйелдер арасындағы жұмыссыздық деңгейін төмендету бойынша атқарылып жатқан шараларға назар аударылды. Баяндамашылар өз салалары бойынша жүргізіліп жатқан жұмыстар туралы есеп беріп, қолданыстағы өзекті мәселелерді көтерді.
Талқылау барысында бірқатар ұсыныстар айтылып, алдағы кезеңге нақты міндеттер айқындалды. Жиын қорытындысы бойынша мемлекеттік органдарға тиісті тапсырмалар беріліп, аталған бағыттардағы жұмысты күшейту тапсырылды.