Облыста 7 жыл бойы 3 жастан 6 жасқа дейінгі балаларды мектепке дейінгі тәрбиемен және оқытумен қамту 100% құрайды. Жалпы Мемлекеттік бағдарламаны іске асыру кезеңінде мектепке дейінгі ұйымдарда барлығы 1536 жаңа орын енгізілді, оның ішінде 436 орындық 6 жеке меншік. Жеке меншік мектепке дейінгі ұйымдардың 2015 жылғы 5-тен 11-ге дейін шамалы өсуі байқалады. Бұл ретте, облыста бұрынғысынша жеке меншік мектепке дейінгі ұйымдардағы орын үлесі жоғары емес - 3,1% (ҚР жоспары – 35,0%, облыс жоспары – 3,1%, факт – 3,1%). Жеке меншік мектепке дейінгі ұйымдар желісінің нашар дамыған негізгі себебі мемлекеттік балабақшалар мен шағын орталықтардың дамыған желісі болып табылады, бұл осы қызмет саласын бизнес үшін тартымды емес. Облыста МЖӘ механизмі бойынша 7 жеке меншік мектепке дейінгі балалар ұйымында мемлекеттік білім беру тапсырысын орналастыру бойынша жобалар іске асырылуда. Бұл-ата-ана төлеміне түсетін жүктеменің төмендеуі, мектепке дейінгі білім беру қызметтерінің қолжетімділігі, кезекте тұрғандар санының қысқаруы.
Мемлекеттік балабақшалар желісі басшылардың, бухгалтерлердің, әдіскерлердің және т.б. штат бірліктерін қысқарту арқылы шоғырландыру есебінен (бір заңды тұлғаға бірнеше кәсіпорындарды біріктіру) 13 бірлікке (2019 жылы - 155 бірлік, 2015 жылы – 168 бірлік) қысқарды. Жалпы 2019 жылы аудан орталықтарында орналасқан 22 балабақша шоғырландырылды.
Жұмыс істеп тұрған балабақшалар мен шағын орталықтарда 40 483 бала мектепке дейінгі тәрбиемен және оқытумен қамтылған, оның ішінде 39 577 адам мемлекеттік мектепке дейінгі ұйымдарда, 906 бала жеке балабақшалар мен шағын орталықтарда.
Бүгінгі күні білім берудегі екпін 4К моделі: креативтілікті, сыни ойлауды, коммуникабельділікті және командада жұмыс істей білуді дамыту жағына қарай жылжиды.
Жұмыс істеп тұрған балабақшалар базасында балалары мектепке дейінгі ұйымдарға бармайтын ата-аналарға арналған 262 консультациялық пункт жұмыс істейді, оларға 1481 ата-ана қамтылған, 732 педагог жұмылдырылған.
Мемлекеттік бағдарламаны іске асыру кезеңінде барлық түрлердің жалпы санынан толық күн болатын мектепке дейінгі ұйымдардың үлесі 93%-ға дейін артты (2016 ж.- 85%, 2017 ж.- 89%, 2018 ж. - 89,1%). Сонымен қатар, 3 ауданда осы көрсеткіштің мәні облыстан төмен (Ақтоғай – 87%, Павлодар – 83,9%, Железин – 46,4%). Бұл бағыттағы жұмыс жалпы алғанда облыстың мектепке дейінгі білім беру саласының инфрақұрылымын дамыту жалғастырылатын болады.
Мектепке дейінгі жастағы балалардың біліктілігі мен дағдыларын дамыту индикаторларының жүйесіне сәйкес біліктілігі мен дағдысының жоғары және орта деңгейі бар 5-6 жастағы балалардың үлесі 88% құрайды (2016 ж. - 91%, 2017 ж. – 86,4%, 2018 ж. – 81,1%).
Балабақшалардың 89%-ы (148 б/бақшаның 132-і) инклюзивті білім беру үшін жағдай жасады, бұл 2015 жылға қарағанда 76%-ға жоғары (13%). 132 балабақшада ерекше білім беру қажеттілігі бар 420 бала мектепке дейінгі біліммен және тәрбиемен қамтылған, арнайы білімі бар және курстық дайындықтан өткен мамандар жұмыс істейді (46 дефектологиялық білімі бар, 252 инклюзивті білім беру саласында біліктілікті арттыру курсынан өтті). 2020-2025 жылдары аралығында 175 педагог біліктілікті арттыру курстарынан өтуді жоспарлауда, 39 мектепке дейінгі ұйымда кедергісіз орта құрылады. 2025 жылға қарай бұл көрсеткіш 100%-ға дейін жеткізілетін болады. МДҰ – да инклюзивті білім беру міндеттерін іске асыру және ерекше білім беру қажеттіліктері бар балаларды бірлесіп тәрбиелеу мен білім беру үшін жағдайларды қамтамасыз ету үшін бірқатар іс-шаралар: «МДҰ-да инклюзивті білім беру – ерекше білім беру қажеттіліктері мен жеке мүмкіндіктерін ескере отырып, барлық тәрбиеленушілерді тәрбиелеу мен оқытуға тең қолжетімділікті қамтамасыз ететін процесс» тақырыбы бойынша дөңгелек үстелдер, диалогтық алаңдар, диспуттар, вебинарлар өткізіледі.
Егер 2015 жылы тәрбиешілердің 32%-ы ғана мектепке дейінгі тәрбие мен оқыту саласында кәсіби дайындыққа ие болса, 2019 жылы бұл көрсеткіш 60%-ға жетті. Осы көрсеткіштің ең аз мәні Павлодар қаласында (46,1%). Бейіндік білімсіз тәрбиешілер санын қысқартуға педагогикалық колледж және жоғары оқу орындары базасында мектепке дейінгі ұйымдардың педагог қызметкерлерінің арнайы білім алуы арқылы қол жеткізілетін болады.