Жеке кәсіпкерге лицензияның қолданысын тоқтатуымен айыппұл салынды

Железин аудандық сотымен Қазақстан Республикасы заңнамасының алкоголь өнімін өткізу жөніндегі талаптарын бұзу фактісі бойынша жеке кәсіпкер Т.-ға қатысты, әкімшілік құқықбұзушылық туралы ісі қаралды.

Іс бойынша, азаматшы Т. жеке кәсіпкер бола тұра және Железин ауылында «Бейбарыс» дүкенінде кәсіпкерлік қызмет көрсете отыра,  ағымдағы жылдың 25 қарашасында күндізгі  11:50 сағатта  сатушы Н., этил спиртінің көлемді үлесі отыз пайыздан асатын, арақты сатқан.

Сот отырысында жеке кәсіпкер кінәсін толық мойындап, жеке кәсіпкер екенін және алкогольдік өнімді сатуға лицензиясы бар екенін көрсетіп, істеген іс-әрекетіне өкінді.

Сот, жасаған әкімшілік құқықбұзушылықтың ерекшілігін, кiнәлiнiң жеке басы, жауаптылықты жеңілдететін мән-жайды  ескере отыра, ӘҚБтК-нің 2 б. 829-11 бабына сәйкес әкімшілік айппұлдің көлемі отыз пайызға төмендетті.

Сот қаулысымен жеке кәсіпкер Т. ӘҚБтК-нің 200 бабы 3 бөлігімен көзделген әкімшілік құқықбұзушылық жасағаны үшін кінәлі деп танылып,   оған жаза ретінде 1 ай мерзімде алкоголь өнімдерін сатуға лицензияның қолданысын тоқтатуымен қоса, 30 пайызға төмендетуімен 77 784 теңге әкімшілік айыппұл  тағайындалды.                                                                       

Қаулы заң күшіне енген жоқ.

 Железин аудандық сотының

баспасөз қызметі