Железин аудандық соты ерлі-зайыптылардықайтадан татуластырды

Сотта  некені бұзу туралы азаматтық іс медиация тәртібімен тоқтатылды.

Сотта анықталғандай, талапкер С. талап арызында жауапкер С.-мен 2017 жылы маусым айында некеге тұрғанын, ортақ некеден  екі кәмелетке толмаған балалары барын, отбасылық шаруашылықты бірлесіп жүргізбегенін, мүлікті ортақ бөлісу және балалардың тәрбиесіне байланысты ешқандай даудың жоқ екенін, жауапкермен жанұядағы келіспеушілікке байланысты соттан арадағы некені бұзуды сұрайтынын көрсеткен.

Істі қарастыру барысында, судья тараптардың татуласуға мүмкіндіктері бар екенін, оның ішінде медиация тәртібімен татуласуға болатынын айтып өткен соң, тараптар медиация тәртібімен істі тоқтатып, соттан медиациялық келісімді бекітуін сұрады.

Соттың ұйғарымымен медиация туралы келісім бекітіліп, арадағы некені бұзу туралы азаматтық іс тоқтатылды.

Ұйғарым заңды күшіне енген жоқ.

Железин аудандық сотының

 баспасөз қызметі