Жеке кәсіпкер 70 мың теңге аса айыппұл төледі

Железин аудандық сотымен этил спиртінің көлемді үлесі отыз пайыздан асатын: сағат 21:00 ден келесі күнгі сағат 12:00 дейін  бөлшек сауда арқылы өткізуге тыйым салынған фактісі бойынша жеке кәсіпкер Б.-ға қатысты, әкімшілік құқықбұзушылық туралы іс қаралды.

Іс бойынша,13.06.2020  жылы азаматшы З., сағат 10:57 жуығында Башмашын ауылында орналасқаң «Христина» дүкеннің   сатушысы бола тұра,   этил спиртінің көлемді үлесі 30% асатын, арақты ауыл тұрғынына сатқан.

Сот отырысында жеке кәсіпкер Б. кінәсін толығымен мойындап, жеке кәсіпкер екенін, алкогольдік өнімді сатуға лицензиясы барын және кәсіпкерлік қызметімен айналысып,  алкогольді өнімді бөлшек саудамен өткізу ережелерін бұзғанын көрсетті.    

Сот қаулысымен ЖК Б. ӘҚБтК-нің 200 бабы 3 бөлігімен көзделген әкімшілік құқықбұзушылық жасағаны үшін кінәлі деп танылып, осы бап бойынша оған жаза ретінде 1 ай мерзімде алкоголь өнімдерін сатуға лицензияның қолданысын тоқтатумен қоса, 77 784 теңге әкімшілік айыппұл  тағайындалды.

Қаулы заң күшіне енген жоқ.

Железин аудандық сотының

баспасөз қызметі