Қазақстан Республикасы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы 1-тармағының 4-2) тармақшасына, Қазақстан Республикасы «Құқықтық актілер туралы» Заңының 27-бабына, Қазақстан Республикасы Ұлттық экономика министрінің міндетін атқарушының 2015 жылғы 27 наурыздағы «Ішкі сауда қағидаларын бекіту туралы» № 264 сәйкес (нормативтік құқықтық актілерді мемлекеттік тіркеу тізілімінде № 11148 болып тіркелген), Железин ауданының әкімдігі ҚАУЛЫ ЕТЕДІ:
- Осы қаулының қосымшасына сәйкес Железин ауданының аумағында стационарлық емес сауда объектілерін орналастыру орындары белгіленсін және бекітілсін.
- Железин ауданы әкімдігінің 2021 жылғы 3 ақпандағы «Железин ауданының аумағында стационарлық емес сауда объектілерін орналастыру орындарын бекіту туралы» № 16/1 (нормативтік құқықтық актілерді мемлекеттік тіркеу тізілімінде № 7203 болып тіркелген) қаулысының күші жойылды деп танылсын.
- «Железин ауданының кәсіпкерлік және ауыл шаруашылық бөлімі» мемлекеттік мекемесі заңнамада белгіленген тәртіппен осы қаулының аумақтық әділет органында мемлекеттік тіркелуін қамтамасыз етсін.
- Осы қаулының орындалуын бақылау аудан әкімінің жетекшілік ететін орынбасарына жүктелсін.
- Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Аудан әкімі А. Шайхимов