Антибиотикті дұрыс қабылдау жолдары

Антибиотиктерге төзгіштік –жаһандық мәселе әрі әлем бойынша өлімге душар ететін үш себептің бірі.

ЕСТЕ САҚТАҢЫЗ! Антибиотикті қолданудың қарапайым ережелерін сақтаңыз. Антибиотик –адам ағзасындағы бактерияларды өлтіріп, олардың таралуын тежейтін дәрмек. Антибиотикті жөнсіз қолданудың салдарынан емделмейтін супербактериялар пайда болады.

АНТИБИОТИК ВИРУСТАРҒА ӘСЕР ЕТПЕЙДІ!

АНТИБИОТИК ҚАНДАЙ КЕЗДЕ ҚАЖЕТ? Ауыр бактериялық ауру

жұқтырғанда немесе созылмалы түрлер асқынғанда. Есіңізде болсын:

антибиотикті тек қана дәрігер тағайындап, күшін жояды.

АНТИБИОТИК ҚАЙ КЕЗДЕ ҚАЖЕТ ЕМЕС? Кәдімгі ЖРВИ, ЖРА (вирустан

болатын) кезінде – жөтелгенде, мұрын бітелгенде, дене қызуы көтерілгенде, асқынулар болмаса, антибиотик қабылдаудың қажеті жоқ.

НАЗАР АУДАРЫҢЫЗ! Егер дене қызуы 3 күннен аса көтеріліп, дәрімен түсіру мүмкін болмаса, дереу дәрігерге барып, қосымша тексерістен өту керек. Инфекцияны анықтаудың ең оңай жолы – жалпы қан анализі.

Сондай-ақ, дәрігер тамақтан немесе мұрын қуысынан жұғынды алғызып, арнайы тексеріске жіберуі мүмкін.

АНТИБИОТИК ҚАБЫЛДАУ ЕРЕЖЕЛЕРІ.

БОЛАДЫ:

-Бактериалды инфекция немесе созылмалы аурулардың асқынуы кезінде дәрігердің тағайындауынан кейін антибиотик қабылдауға.

-Дәрігер жазып берген мөлшерде ғана антибиотик қабылдауға. Әдетте емдеу курсы 5–7 күн, кейде 10–14 күнге созылады.

-Антибиотик қабылдаған 3 күннен соң да жағдай оңалмаса, емдеу тактикасын өзгертуге (мұны тек дәрігер жасайды).

-Антибиотик мөлшерін міндетті түрде жас шамасына қарай таңдауға.

-Антибиотикті бірдей уақыт аралығында қабылдауға.

-Дәрі-дәрмекті тамақтануға байланысты дұрыс қабылдау бойынша нұсқауларды қатаң сақтауға.

-Кез келген дәріні таза, газдалмаған сумен ішуге.

 

БОЛМАЙДЫ:

-Өз бетіңізше балаңызға немесе өзіңізге антибиотик тағайындамаңыз.

-Оңала бастағанда емдеу курсын үзбеңіз.

-Жағдай жақсармаса антибиотикті өз бетіңізше ауыстырмаңыз.

-Антибиотик дозасын жағдай нашарлағанда арттырып, жақсарғанда кемітуге болмайды.

-Антибиотикті қабылдау уақыты мен дозасын өзгертпеңіз.

-Антибиотикті ашқарынға қабылдамаңыз.

-Антибиотикті сүтпен немесе ашыған сүт өнімдерімен, шаймен, кофемен, шырындармен ішпеген абзал.

 

ЕҢ БАСТЫ ЕРЕЖЕ – АНТИБИОТИКТІ БАСҚА АМАЛЫ ҚАЛМАҒАН

КЕЗДЕ ҒАНА ҚОЛДАНЫҢЫЗ

Железин ауданы санитариялық-эпидемиологиялық  бақылау басқармасы