«Павлодар облыстық ветеринариялық станциясы» ШЖҚ МКК бөлімдерінде 2022 жылы ветеринария саласында мемлекеттік қызмет көрсету сапасы бойынша өткізілген бақылау іс-шаралары бойынша ЕСЕП
Ветеринария басқармасы 2022 жылы мемлекеттік қызметтер көрсету сапасы бойынша бекітілген бақылау іс-шараларының 2021 жылғы 14 желтоқсандағы №159 жоспарына сәйкес «Павлодар облыстық ветеринариялық станциясы» ШЖҚ МКК (бұдан әрі - облыстық ветстанция) қалалар мен аудандардың Ақсу қаласы, Екібастұз қаласы, Май, Ертіс, Баянауыл аудандарда 5 бөлімінде бақылау іс-шараларын жүргізді.
Жоғарыда көрсетілген бақылау іс-шараларының қорытындылары бойынша ауыл шаруашылығы жануарларын бірдейлендіру қағидаларын, ветеринариялық құжаттарды беру қағидаларын және бланкілерге қойылатын талаптарды, ауыл шаруашылығы жануарларын бірдейлендіру жөніндегі дерекқорды қалыптастыру және жүргізу және одан үзінді көшірме беру қағидаларын 651 бұзушылық белгіленді.
Бақылау іс-шаралары мемлекеттік қызмет көрсету сапасы бойынша жүргізілді:«Ветеринариялық анықтама беру» және «Ветеринариялық паспорт беру».
Мәселен, облыстық ветстанцияның барлық аталған бөлімдерінде жүйелі бұзушылықтар анықталды, мысалы:
- көрсетілетін қызметті алушылардан артық құжаттарды талап ету (жеке куәліктердің көшірмелері қоса берілген, ал қағидаларға сәйкес жеке куәлік көрсетілетін қызметті алушыны сәйкестендіру үшін ғана қажет, сондай - ақ басқа да құжаттар-неке қию, қайтыс болу туралы куәліктер және т. б. қоса берілген);
- мемлекеттік қызметтер құжаттар топтамасы толық болмаған кезде көрсетілді (белгіленген нысандағы көрсетілетін қызметті алушылардың өтініштері болмаған, осылайша көрсетілетін қызметтер өтініш берушілердің ауызша өтініші негізінде көрсетілген);
– бизнес-процестерді сақтамау (мысалы, жануарларды есептен шығару оқиғалар расталған (анықталған) күннен бастап 1 жұмыс күнінен кешіктірілмей жүргізілуі тиіс, алайда жануарларды бірнеше күннен 1 жылға дейін есептен шығармау фактілері болған);
- Мемлекеттік қызмет көрсету сапасы бойынша стендтерде көрнекі өзекті ақпараттың болмауы, ал осы ақпарат болған жерде ол өзекті емес немесе танысу үшін қолжетімсіз болды (мысалы, ақпараттық стенд тым жоғары орналасқан).
Сондай-ақ, мемлекеттік қызмет көрсететін жауапты лауазымды тұлғалардың мемлекеттік қызметтер желісі бойынша біліктілікті арттыру курстарынан өтпегені де орын алады.
Осыған байланысты басқармамен 2023 жылы мемлекеттік қызмет көрсететін ветеринариялық дәрігерлердің біліктілігін арттыруға ақшалай қаражат бөлу қажеттілігі туралы ұсынымдар берілді.
Тексеру парағына сәйкес жоғарыда аталған барлық бұзушылықтар өрескел болып табылады.
Бақылау іс – шараларының қорытындысы бойынша 2022 жылдың басынан бастап 42 кінәлі лауазымды тұлға тәртіптік жауапкершілікке тартылды (Ақсу қаласы бойынша – 1, Екібастұз қаласы бойынша – 14, Май ауданы бойынша – 7, Ертіс ауданы бойынша - 11, Баянауыл ауданы бойынша-9).
Бұл жағдай жол берілген бұзушылықтардың негізгі себебі қызметтік міндеттерді жосықсыз және сапасыз орындау, ветеринария мәселелері бойынша заңнаманы білмеу, тікелей орындаушылардың басшылығы тарапынан тиісті бақылаудың болмауы болып табылатынын көрсетеді.
Мемлекеттік қызмет көрсету мерзімдері бойынша оң сәтті атап өту қажет, 2022 жыл ішінде ресми мерзімі өткен жоқ.
«Мемлекеттік қызмет көрсету сапасын мемлекеттік бақылау қағидаларын бекіту туралы» Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 8 желтоқсандағы №78 бұйрығына, басқарма басшысының 2022 жылғы 12 желтоқсандағы №184 бұйрығына сәйкес 2023 жылға мемлекеттік қызмет көрсету сапасын ішкі мемлекеттік бақылауды жүргізу жөніндегі бақылау іс-шараларының жоспары бекітілді.
Осы бақылау іс-шараларының жоспарына облыстық ветеринариялық станцияның келесі бөлімдері енгізілген: Шарбақты ауданы, Аққулы ауданы, Железин ауданы, Тереңкөл ауданы.