Майқайын кентіндегі ХҚО секторы оңтайландыруға байланысты жабылады

Мемлекеттік қызметтерге сұраныстың төмен болуына байланысты 2022 жылдың 20 сәуірінен бастап Баянауыл ауданы, Майқайын кентіндегі ХҚО секторы жабылады. Бүгінгі таңда мемлекеттік қызметтердің 90 пайыздан астамы онлайн форматқа көшті, сондықтан кент тұрғындарының арасында секторға деген қажеттілік те төмен.

         "Майқайын кентіндегі ХҚО секторы 2010 жылы ашылған болатын.Талдау нәтижесінде сектор арқылы көрсетілген қызметтің 67 пайызын ЭЦҚ кілттерін беру қызметі құраған. Бұл қызмет толық автоматтандырылған, онлайн алуға болады. Сондықтан секторды оңтайландыру қажет деген шешім қабылданды. Сектор жұмысын тоқтатқанымен, кент тұрғындары мемлекеттік қызметтерді әрбір ауылдық округтерде орналасқан "Ашық әкімдіктерден" ала алады" - дейді "Азаматтарға арналған үкімет" облыстық филиалы директорының орынбасары Арай Камарова.