Павлодарда автодром жұмысын қайта бастады

Павлодар қаласының мамандандырылған ХҚО автодромы жөндеу жұмыстарынан  соң жұмысын қайта бастады. Автодром жаңа GPS жүйесімен жабдықталды, енді практикалық емтихан барысында бұрынғыдай магнит датчиктері пайдаланылмайды, барлық дерек спутник арқылы жеткізіледі.
«Клиенттерімізге шыдамдылық танытқаны үшін алғыс айтамыз. Автодром толықтай дайын және көлік құралдарының барлық санаттары бойынша емтихан қабылдайды. Тек С, Д санаттары бойынша емтихан жұмыс күндері сағат 17.00 - 18.00-ге дейін комиссиялық түрде қабылданады», - дейді мемлекеттік корпорацияда.

Мамандандырылған ХҚО дүйсенбі - жұма күндері аралығында сағат 09.00 - 18.00 - ге дейін жұмыс істейді.