Өсімдіктер карантині саласындағы мемлекеттік қызмет көрсету туралы

Қазақстан Республикасы Ауыл шаруашылығы министрінің «Қазақстан Республикасының аумағын карантиндiк объектiлерден және бөтен тектi түрлерден қорғау жөнiндегi қағидаларды бекіту туралы» 2015 жылғы 29 маусымдағы № 15-08/590 бұйрығына сәйкес, ҚР АШМ АӨК МИК Успен аудандық аумақтық инспекциясы төмендегі Мемлекеттік қызметтерді орындап береді:

І. Мемлекеттік көрсетілетін қызмет – «Карантинге жатқызылған өнімнің Қазақстан Республикасының аумағында орнын ауыстыруға карантиндiк сертификат беру». Өтінішті қабылдау және мемлекеттік қызметті көрсету нәтижесін беру "электрондық үкіметтің" www.egov.kz, www.elіcense.kz веб-порталы арқылы жүзеге асырылады;

Мемлекеттік қызмет көрсету мерзімі:

1) көрсетілетін қызметті берушіге өтінішті портал арқылы берген сәттен бастап – 1 (бір) жұмыс күні ішінде;
              2) көрсетілетін қызметті берушіге карантинге жатқызылған өнімнің мәлімделген партиясының карантиндік фитосанитариялық талаптарға сәйкестігін растайтын, өтініш берілген күнге дейін 7 (жеті) күнтізбелік күннен асырмай берілген карантиндік фитосанитариялық сараптама қорытындысы қоса беріле өтініш берілген сәттен бастап, сондай-ақ порталға жүгінген кезде – 3 (үш) жұмыс сағаты ішінде

 

ІІ. Мемлекеттік көрсетілетін қызмет – «Карантинге жатқызылған өнiмнің Қазақстан Республикасынан тыс жерлерге әкетуге фитосанитариялық сертификат беру». Өтінішті қабылдау және мемлекеттік көрсетілетін қызметті ңнәтижесін беру:

1) көрсетілетін қызметті берушінің кеңсесі;

2) www.egov.kz "электрондық үкіметтің" веб-порталы;

3) "Азаматтарға арналған үкімет" мемлекеттік корпорациясы  арқылы жүзеге асырылады.

Мемлекеттік қызмет көрсету мерзімі:

1. Көрсетілетін қызметті берушіге, Мемлекеттік корпорацияға, сондай-ақ порталға жүгінген кезде - өтініш берілген сәттен бастап 3 (үш) жұмыс күні ішінде.
2. Көрсетілетін қызметті берушіге, Мемлекеттік корпорацияға карантинге жатқызылған өнімнің мәлімделген партиясының межелі елдің карантиндік фитосанитариялық талаптарына сәйкестігін растайтын өтініш берілген күнге дейін 7 (жеті) күнтізбелік күннен асырмай берілген карантиндік фитосанитариялық сараптама қорытындысы қоса беріле өтініш берілген сәтінен бастап, сондай-ақ порталға жүгінген кезде – 3 (үш) жұмыс сағаты ішінде.
   Мемлекеттік корпорацияға жүгінген кезде құжаттарды қабылдау күні мемлекеттік қызмет көрсету мерзіміне кірмейді

           

ІІІ. Мемлекеттік көрсетілетін қызмет – «Ғылыми - зерттеу мақсатында карантиндік объектілерді (карантиндік зиянды организмдерді) әкелуді келісу». Өтінішті қабылдау және мемлекеттік көрсетілетін қызметтің нәтижесін беру "электрондық үкіметтің" www.egov.kz, www.elіcense.kz веб-порталы арқылы жүзеге асырылады.

Мемлекеттік қызмет көрсету мерзімі: 3 (үш) жұмыс күні ішінде.

 

1. Мемлекеттік көрсетілетін қызмет – "Астық пен оның өңделген өнімдерін карантиндік арамшөп өсімдіктерінің тұқымдары мен жемістерін тіршілік ету қабілетінен айыруды қамтамасыз ететін технологиялар бойынша өңдеу және (немесе) сүректі қаптама материалын залалсыздандыру мен таңбалауды жүзеге асыратын объектілерге есепке алу нөмірін беру". Өтінішті қабылдау және мемлекеттік қызметті көрсету нәтижесін беру көрсетілетін қызметті берушінің кеңсесі, www.egov.kz "электрондық үкіметтің" веб-порталы арқылы жүзеге асырылады.

Мемлекеттік қызмет көрсету мерзімі: 10 (он) жұмыс күні.

Мемлекеттік көрсетілетін қызмет стандарттарды Қазақстан Республикасы Ауыл шаруашылығы министрлігімен әзірленген.

Қазақстан Республикасы Ауылшаруашылығы министрлігі Агроөнеркәсіптік кешендегі мемлекеттік инспекция комитетінің аумақтық инспекциялар мемлекеттік қызметтерді тегін көрсетеді.

 Жоғарыда көрсетілген Мемлекеттік көрсетілетін қызметтерді немесе толық Мемлекеттік көрсетілетін қызмет стандарттар туралы ақпарат  алу үшін Успен ауылы, Терешкова көшесі № 28, хабарласып білуіңізге болады. тел.:  87714765994 (ҚР АШМ АӨК МИК Успен  аудандық аумақтық инспекциясы).

 

 

 

ҚР АШМ АӨК МИК Успен аудандық

аумақтық инспекциясының

бас маман, өсімдіктер карантині

жөніндегі инспекторы                                                                     Г.Мукенова