Успен ауданы әкімдігінің «Успен ауданының ауылдық округтері бюджеттерінің кірістер мен шығыстардың болжамды көлемдерін есептеу Ережелерін айқындау туралы» қаулысының жобасы

Жоба

 

 

 

 

 

 

 

 

 

Успен ауданының ауылдық округтері бюджеттерінің кірістері мен шығындарының болжамды көлемдерін есептеу Ережелерін айқындау туралы

 

 

Қазақстан Республикасы Бюджеттік кодексінің 45, 56-1, 65 баптарына, Қазақстан Республикасының 2001 жылғы 23 қаңтардағы «Қазақстан Республикасында жергілікті мемлекеттік басқару және өзін-өзі басқару туралы» Заңына, Қазақстан Республикасы Ұлттық экономика Министрінің 2014 жылғы 11 желтоқсандағы «Жалпы сипаттағы трансферттердің есеп-қисаптар әдістемесін бекіту туралы» № 139 бұйрығына, Қазақстан Республикасының ұлттық экономика Министрінің міндеттерін атқарушысының 2015 жылғы                        21 қаңтардағы «Бюджет түсімдерін болжау әдістемесін бекіту туралы» № 34 бұйрығына сәйкес, Успен ауданының әкімдігі ҚАУЛЫ ЕТЕДІ:

1. Осы қаулының қосымшасына сәйкес Успен ауданының ауылдық округтері бюджеттерінің кірістері мен шығындарының болжамды көлемдерін есептеу Ережелері (бұдан әрі – Ережелер) айқындалсын.
2. «Успен ауданының экономика және бюджеттік жоспарлау бөлімі» мемлекеттік мекемесі заңнамамен белгіленген тәртіпте осы қаулыдан туындайтын қажетті шараларды қабылдасын.
3. Осы қаулының орындалуын бақылау Успен ауданы әкімінің орынбасары С.О. Жүніспаеваға жүктелсін.
4. Осы қаулы қол қойылған күннен бастап қолданысқа енгізіледі.

 

 

 

Аудан әкімі                                                                          Н. Дычко

Успен ауданы әкімдігінің

2021 жылғы «__»__________

№____ қаулысына

қосымша

 

 

Успен ауданының ауылдық округтері бюджеттерінің кірістері мен шығындарының болжамды көлемдерін есептеу Ережелері

 

1-тарау. Жалпы ережелер

 

Осы Успен ауданының ауылдық округтері бюджеттерінің кірістері мен шығындарының болжамды көлемдерін есептеу Ережелері (бұдан әрі – Ережелер) Қазақстан Республикасы Бюджеттік кодексінің 45, 56-1, 65 баптарына, Қазақстан Республикасының 2001 жылғы 23 қаңтардағы «Қазақстан Республикасында жергілікті мемлекеттік басқару және өзін-өзі басқару туралы» Заңына, Қазақстан Республикасы Ұлттық экономика Министрінің 2014 жылғы 11 желтоқсандағы «Жалпы сипаттағы трансферттердің есеп-қисаптар әдістемесін бекіту туралы»              № 139 бұйрығына, Қазақстан Республикасының ұлттық экономика Министрінің міндеттерін атқарушысының 2015 жылғы 21 қаңтардағы «Бюджет түсімдерін болжау әдістемесін бекіту туралы» № 34 бұйрығымен (бұдан әрі – болжамдау әдістемесі) әзірленген және Успен ауданының ауылдық округтері (бұдан әрі -ауылдық округтері) бюджеттерінің кірістері мен шығындарының болжамды көлемдерін есептеу тәртібін айқындайды.

 

2-тарау. Успен ауданының ауылдық округтері бюджеттерінің кірістері мен шығындарының болжамды көлемдері айқындау

 

1. Ауылдық округтер бюджеттері кірістерінің болжамды көлемдері Бюджет кодексінің 65 бабына сәйкес бюджет түсімдерін болжау әдістемесіне сәйкес есептеледі.

 

3-тарау. Успен ауданының ауылдық округтері бюджеттерінің шығындарының болжамды көлемдерін айқындау

 

2. Ауылдық округтердің бюджеттері шығындарының болжамды көлемдері Бюджет кодексінің 56-1 бабымен белгіленген шығындарының бағыттарын ескере отырып, ағымдағы бюджеттік бағдарламалар мен бюджеттік даму бағдарламалары бойынша шығындарының болжамды көлемінің сомасы ретінде есептеледі.

Бұл ретте тұрақты сипаттағы Қазақстан Республикасының заңнамалық актілеріне сәйкес мемлекеттік басқару функциялары мен мемлекеттік міндеттемелерін орындау бойынша бюджеттік бағдарламалар әкімшілерінің қызметін қамтамасыз етуге, сондай-ақ мақсатқа жетуге, стратегиялық және бағдарламалық құжаттардың нақты міндеттері мен іс-шараларын шешуге бағытталған ағымдағы бюджеттік бағдарламалар бойынша шығындардың болжамды көлемі мыналардан тұрады:

еңбекақы төлеуге, коммуналдық қызметтерді төлеу, азық-түлік пен дәрілік заттар сатып алуға жұмсалатын шығындар, жәрдемақылар төлеу және басқа да шығындар (бұдан әрі – ағымдағы шығындар);

материалдық - техникалық базаны нығайтуға, күрделі жөндеуге жұмсалатын шығындар және басқа да шығындар (бұдан әрі – күрделі сипаттағы шығындар).

 

1 параграф. Успен ауданының ауылдық округтер бюджеттерінің ағымдағы шығындарының болжамды көлемдерін есептеу

 

3. Ағымдағы шығындарды есептеу үшін Успен ауданының бюджеттік комиссиясымен мақұлданған жоспарлы кезеңге бюджетті өтінім шегінде ағымдағы шығындардың болжамды көлемі пайдаланылады.
4. Ауылдық округтер бюджеттерінің ағымдағы шығындарының болжамды көлемдерін айқындау кезінде мыналар ескеріледі:

1) республиканың әлеуметтік-экономикалық даму болжамы және бюджеттік параметрлеріне сәйкес (жалақыны қоспағанда) жоспарланған кезеңдегі тұтыну бағалары индексіне ағымдағы шығындардың ұлғайғанын ескере отырып, ағымдағы шығындардың жиынтық көлемі;

2) ауылдық округтердің бюджеттері шығыстарының ұлғаюын немесе қысқаруын көздейтін және Успен ауданы бюджеттік комиссиясының міндетті түрде қарастырылғаннан кейін жоспарланатын кезеңде қолданысқа енгізілетін Қазақстан Республикасы заңдарының және жергілікті маңызы бар өзге де нормативтік құқықтық актілердің ережелері;

3) бюджеттік комиссиясының шешімімен Успен ауданы ауылдық округтерінің бюджеттері бойынша абсолюттік сомалармен ағымдағы нысаналы трансферттер есебінен бұрын қаржыландырылған тұрақты сипаттағы шығыстар.

 

2 параграф. Успен ауданының ауылдық округтері бюджеттерінің күрделі сипаттағы шығыстарының болжамды көлемін есептеу

 

5. Күрделі сипаттағы шығындарды қаржыландыру үшін көзделетін қаражаттың жалпы болжамды көлемі Успен ауданының бюджеттік комиссиясымен мақұлданған бюджеттік бағдарламалар әкiмшiлерінің бюджеттік өтінімдеріне сәйкес болжанатын қажеттілік есебінен абсолюттік сомамен жоспарлы кезенге жылжымалы негізде жыл сайын айқындайды.

 

3 параграф. Успен ауданының ауылдық округтері бюджеттерінің бюджеттік даму бағдарламалары боынша шығындарының болжамды көлемін есептеу

 

6. Бюджеттік даму бағдарламалары бойынша шығындарды қаржыландыру үшін көзделетін қаражаттың жалпы болжамды көлемі бюджеттік бағдарламалар әкімшілерінің бюджеттік өтнімдеріне сәйкес болжанатын қажеттілік есебінен абсолюттік сомамен жоспарлы кезеңге жылжымалы негізде жыл сайын айқындайды.

 

4-тарау. Жалпы сипаттағы трансферттер көлемдерін айқындау

 

7. Осы Ережелеріне сәйкес ауылдық округтері бюджеттерінің ағымдығы шығындарының болжамды көлемдері жалпы сипаттағы трансферттердің көлемдерін айқындау үшін пайдаланады.

Жалпы сипаттағы трансферттердің көлемі Бюджет кодексіне сәйкес тиісті ауылдық бюджетінің кірістері (трансферттерді шегергенде) мен шығындарының болжамды көлемі арасындағы айырмашылық ретінде айқындалады және төмендегідей формулаға сәйкес есептеледі:

ЖСТ_і=КБК_і-ШБК_і,

мұнда:

ЖСТ_і – _і-ауылдық округтің жалпы сипаттағы трансферттердің көлемі;

КБК_і – _і-ауылдық округ кірістерінің болжамды көлемі;

ШБК_і – _і-ауылдық округ шығындарының болжамды көлемі.

Ауылдық округтердің бюджеттері кірістерінің болжамды көлемі шығындардың болжамды көлемінен асқан кезде (ЖСТ_і > 0) ауылдық округтердің бюджеттерінен аудан бюджетіне алып қоюлар белгіленеді.

Ауылдық окрутердің бюджеттері шығыстарының болжамды көлемі кірістердің болжамды көлемінен асқан кезде (ЖСТ_і<0) жоғары тұрған бюджеттен бюджетінен ауылдық округтердің бюджетіне бюджеттік субвенциялар белгіленеді.

Дата публикации

20 сентября 2021