Меню
Аз қамтылған азаматтарға әлеуметтік көмек көрсету туралы ақпарат
2021 жылғы 1 желтоқсан жағдай бойынша мемлекеттік атаулы әлеуметтік көмек 1621,6 млн. теңге сомасында 22496 аз қамтылған азаматқа тағайындалды.
Коммуналдық қызметтер үшін шекті ұйғарынды нормалардың үлесі жиынтық табысының 7% асатын аз қамтамасыз етілген отбасыларға тұрғын үй көмегі беріледі. Жыл басынан бастап тұрғын үй көмегі 34,2 млн. теңге сомасында 1766 аз қамтамасыз етілген отбасыға тағайындалды.
Қайырымдылық көмек әртүрлі қаржыландыру көздерден 103,9 млн. теңге сомасында 13106 аса аз қамтамасыз етілген азаматқа көрсетілді. Соның ішінде қайырымдылық асханаларда, тегін бір жолғы тамақтану орындарда 1,7 млн. теңге сомасында 415 адамға қызмет көрсетілді; халыққа киім, аяқ киім жинау және тарату орындарының қызметімен 1,3 млн. теңге сомасында 220 адам пайдаланды, 1084 адам 6,9 млн. теңге сомасына жеңілдікпен рецепт алды.
Атаулы әлеуметтік көмек алуға Қазақстан Республикасының азаматтары, қандастар, босқындар, шетелдіктер және Қазақстан Республикасында тұрақты тұратын азаматтығы жоқ, жан басына шаққандағы орташа табысы ағымдағы тоқсанға бекітілген кедейлік шегінен аспайтын адамдар құқылы.
АӘК-ке үміткер отбасының жиынтық табысын есептеу кезінде Қазақстан Республикасында және одан тыс жерлерде өткен тоқсанда алынған табыстардың барлық түрлері ескеріледі.
АӘК мөлшері кедейлік шегі мен жан басына шаққандағы орташа табыс арасындағы айырмашылық ретінде анықталады, тоқсан сайын тағайындалады.
АӘК алуға үміткер адамдар (отбасылар) тұрғылықты жері бойынша Мансап орталықтарға немесе кент, ауыл, ауылдық округ әкіміне жүгіне алады, сондай-ақ ЭЦҚ болған кезде үйден шықпай-ақ «Электрондық үкімет порталы» (ЭҮП) арқылы өтінім бере алады.
Мемлекеттік қызметті көрсету мерзімі 15 жұмыс күні, мемлекеттік органдарға немесе ұйымдарға сұрау салуды ресімдеген кезде құжаттар топтамасын қалыптастыру мерзімі күнтізбелік 30 күнге дейін ұзартылады.
Өтініш берген кезде сәйкестендіру үшін тек жеке куәлікті ұсыну қажет.