Жасым 65-те, зейнеткермін, бірақ жақында кішігірім жұмысқа шықтым, бір компанияда күзетші болып істеймін. Енді «жұмыс берушім жалақымның 10% БЖЗҚ-ға аудара ма?» деген сұрақ туындады. Өйткені, сіздерден онсыз да зейнетақы төлемдерін алып жүрмін ғой.

ҚР «Қазақстан Республикасында зейнетақымен қамсыздандыру туралы» Заңының 24-бабы 2 және 3-тармақтарының 1) тармақшасына сәйкес, зейнет жасына толған жеке тұлғалар осы заңның 11-бабының 1-тармағына көзделген тәртіппен БЖЗҚ-ға міндетті зейнетақы жарналарын және міндетті кәсіптік зейнетақы жарналарын төлеуден босатылады.

Жалпыға бірдей белгіленген зейнет жасы ерлер үшін – 63, әйелдер үшін 2022 жылы - 60,5 жас деп белгіленген, одан әрі әйелдердің зейнет жасы жыл сайын алты айға ұлғайтылып, 2027 жылы 63 жасқа жеткізіледі.

«БЖЗҚ» АҚ баспасөз орталығы

БАҚ үшін байланыстар: press@enpf.kz