Мемлекеттік қызметшілер мінез-құлқының сыбайлас жемқорлыққа қарсы стандарттары «Тереңкөл ауданының жер қатынастары бөлімі» ММ

Осы «Тереңкөл ауданының жер қатынастары бөлімі» мемлекеттік мекемесі (бұдан әрі – мекеме) қызметкерлерінің сыбайлас жемқорлыққа қарсы іс-қимыл стандарты Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» Заңының 10-бабына сәйкес әзірленді және құндылық және моральдық бағдарлар жүйесін құру жолымен мемлекеттік мекеме қызметкерлері арасында сыбайлас жемқорлықтың кез келген көріністеріне төзбеушілік атмосферасына қол жеткізуге бағытталған.Қоғамдық қатынастардың саласындағы атауы: Тереңкөл ауданының экономика және бюджеттiк жоспарлау саласында қызметiн жүзеге асыру.
Қоғамдық қатынастар саласының атауы
Тереңкөл ауданының жер қатынастары саласындағы қызметті жүзеге асыру.
Сыбайлас жемқорлыққа қарсы стандартты әзірлеушінің атауы:
«Тереңкөл ауданының жер қатынастары бөлімі» мемлекеттік мекемесі.
Қоғамдық қатынастардың оқшауланған саласында жұмыс істейтін адамдардың мінез-құлық (іс-қимыл) қағидалары.
Сыбайлас жемқорлыққа қарсы стандарттарымен қозғалатын салада жеке және заңды тұлғалардың құқықтары мен заңды мүдделерін іске асыру кезінде:
Қызметкерлер өз қызметінде міндетті:
- заңдылық, ашықтық, әдептілік қағидаттарын, Қазақстан Республикасы Конституциясының, заңдары мен өзге де нормативтік құқықтық актілерінің талаптарын басшылыққа алуға;
- жеке және заңды тұлғалар құқықтарының, бостандықтары мен заңды мүдделерінің сақталуын және қорғалуын қамтамасыз етуге, олардың өтініштерін Қазақстан Республикасының заңнамасында белгіленген тәртіппен және мерзімдерде қарауға, олар бойынша қажетті шаралар қабылдауға міндетті;
- жеке сипаттағы мәселелерді шешу кезінде мемлекеттік органдардың, ұйымдардың, мемлекеттік қызметшілер мен өзге де адамдардың қызметіне ықпал ету үшін өзінің қызметтік жағдайын пайдаланбауға;
- жасағаны үшін заңнамада тәртіптік, әкімшілік немесе қылмыстық жауаптылық көзделген құқық бұзушылықтар мен теріс қылықтарды жасауға жол бермеуге;
- қызметтік тәртіпті бұлжытпай сақтауға, өзінің қызметтік міндеттерін адал, бейтарап және сапалы атқаруға, жұмыс уақытын ұтымды және тиімді пайдалануға;
- адал, әділ, қарапайым болуға, жалпы қабылданған моральдық-әдептілік нормаларын сақтауға, азаматтармен және әріптестерімен қарым-қатынаста сыпайылық пен әдептілік танытуға;
- тікелей басшысына немесе Бөлім басшысына туындаған мүдделер қақтығысы туралы немесе оның туындау мүмкіндігі туралы өздеріне белгілі болған сәтте жазбаша нысанда хабарлауға;
- қызмет бабын теріс пайдалануға, қызметтік міндеттерін жүзеге асыру кезінде негізсіз төрешілдік пен сөзбұйдаға салу көріністеріне, сондай-ақ дөрекілік пен біржақтылық көріністеріне жол бермеуге;
- басқа мемлекеттік қызметшілер тарапынан сыбайлас жемқорлық құқық бұзушылық фактілерінің жолын кесу.
Өз құзыреті шеңберінде басқарушылық және өзге де шешімдерді дайындау және қабылдау кезінде:
- сыбайлас жемқорлық құқық бұзушылық көріністеріне төзбеушілік таныту;
- лауазымдық өкілеттіктерді орындауға қатысы жоқ және Қазақстан Республикасының заңнамасын бұзуға бағытталған бұйрықтар шығаруға жол бермеу;
- лауазымдық міндеттерді орындау кезінде жеке және пайдакүнемдік мүдделерді басшылыққа алмау;
- қарамағындағы қызметкерлерге қатысты негізсіз айыптауларға, дөрекілік, адамдық қадір-қасиетін кемсіту, жөнсіздік, орынсыз мінез-құлық фактілеріне жол бермеуге тиіс;
- қарамағындағы қызметкерлерге қатысты олардың қызметіне ықпал ету үшін қызмет бабын пайдалануға жол бермеу және оларды құқыққа қарсы әрекеттер жасауға мәжбүрлемеу;
- адал, әділ, қарапайым болуға, жалпы қабылданған моральдық-әдептілік нормаларын сақтауға, азаматтармен және әріптестерімен қарым-қатынаста сыпайылық пен әдептілік танытуға;
- өзінің іс-әрекетімен және мінез-құлқымен қоғам тарапынан айтылатын сынға себепкер болмау, сынағаны үшін қудалауға жол бермеу, орынды сынды кемшіліктерді жою мен өзінің қызметін жақсарту үшін пайдалану;
- іскерлік әдепті және ресми мінез-құлық қағидаларын сақтау;
- лауазымдық өкілеттіктерін атқаруына байланысты сыйлықтар қабылдамауға және қызметтер алмауға;
- меритократия қағидаттарын сақтауды қамтамасыз ету, кадр мәселелерін шешу кезінде туыстық, жерлестік және жеке басына берілгендік белгілері бойынша артықшылық көрсетпеу;
- үшінші тұлғалардың мүдделерін білдіруден немесе қамқорлық жасаудан, сондай-ақ олардың атынан іс-әрекеттер жасаудан тартыну;
- әріптестер қызметінің нәтижелерін бағалау, сондай-ақ көтермелеу және жазалау шараларын қолдану кезінде әділдік пен объективтілік таныту.
Нормативтік құқықтық актілердің жобаларын дайындау кезінде:
- Қазақстан Республикасының заңнамасына қайшы келетін сыбайлас жемқорлық құқық нормаларын, сондай-ақ Қазақстан Республикасының қолданыстағы заңнамасына сәйкес сыбайлас жемқорлық құқық бұзушылықтар жасауға ықпал ететін себептер мен жағдайларды анықтау мақсатында әзірлеушісі Бөлім болып табылатын нормативтік құқықтық актілерге құқықтық мониторинг жүргізу;
- нормативтік құқықтық актіні қабылдау құзыреті Қазақстан Республикасының заңнамасында тікелей көзделген жағдайларда ғана осы актіні қабылдауды қамтамасыз етуге міндетті;
- азаматтардың құқықтарына, бостандықтары мен міндеттеріне қатысты нормативтік құқықтық актілердің жобаларын Қоғамдық кеңеске жолдау, сондай-ақ нормативтік құқықтық актілердің жобаларын «Ашық НҚА» порталында орналастыруды қамтамасыз ету;
- сыбайлас жемқорлық құқық бұзушылықтың туындауына ықпал ететін нормативтік құқықтық актілердің қабылдануына жол бермеу.
Өмір сүру саласының ерекшелігіне байланысты туындайтын басқа қатынастар кезінде:
- мүліктің сақталуын қамтамасыз етуге, меншікті, автокөлік құралдарын қоса алғанда, ұтымды, тиімді және тек қызметтік мақсатта ғана пайдалануға;
- ұжымда іскерлік өзара қарым-қатынасты және сындарлы ынтымақтастықты орнату мен нығайтуға ықпал ету;
- жоғары тұрған немесе төмен тұрған не қызмет немесе жұмыс бабында олармен өзгеше тәуелділікте болатын лауазымды адамдармен ақшалай немесе өзге де мүліктік сипаттағы құмар ойындарға қатыспауға;
- қызметтік міндеттерін тиімді атқару мақсатында өзінің кәсіби деңгейі мен біліктілігін үнемі арттырып отыру;
- Қазақстан Республикасының салық заңнамасында белгіленген тәртіпте және мерзімде табысы мен мүлкі туралы декларацияны нысан бойынша ұсыну;
- Қазақстан халқының бірлігі мен елдегі ұлтаралық келісімді нығайтуға ықпал ету, мемлекеттік және басқа тілдерге, Қазақстан халқының салт-дәстүрлеріне құрметпен қарау;
- жалпы қабылданған моральдық-этикалық нормаларды ұстануға, қоғамға жат мінез-құлық, оның ішінде қоғамдық орындарда адамның қадір-қасиетін және қоғамдағы адамгершілікке нұқсан келтіретін масаң күйде болу жағдайларына жол бермеуге;
Өзге де шектеулер мен тыйым салулар:
- сыбайлас жемқорлық көріністерін болдырмау үшін мемлекеттік қызметшілер мемлекеттік қызметшілердің Әдеп кодексінің нормаларын ұстануға және 2015 жылғы 18 қарашадағы «Сыбайлас жемқорлыққа қарсы іс-қимыл туралы» Қазақстан Республикасы Заңының 12-бабына көзделген сыбайлас жемқорлыққа қарсы шектеулерді қабылдауға міндетті;
- лауазымдық өкілеттігі шегінде шығарылған жер қатынастары бөлімі басшысының бұйрықтарын орындау.

Тереңкөл ауданының
жер қатынастары бөлімінің басшысы А.Т. Исаева