БЖЗҚ-да жеке шотымның бар екендігі туралы анықтама алғым келеді. Қазір індет кезінде кеңсе аралай бергім келмейді, сондықтан интернет арқылы анықтама ала аламын ба, жауап беріңізші?

Иә, әрине. Жеке зейнетақы шотының (ЖЗШ) бар екендігі туралы анықтама алу үшін «БЖЗҚ» АҚ-ның www.enpf.kz сайтындағы «Жеке кабинетте» орналастырылған «Электрондық қызметтер» бөліміне электрондық цифрлық қолтаңбаның немесе тіркелген логин мен парольдің көмегімен кіру қажет. Бұдан әрі «Қызметтер» бөліміндегі «ЖЗШ бар екендігі туралы анықтама алу» батырмасына басқан кезде анықтама қалыптастырылады. Қалыптастырылған анықтаманың жоғарғы бұрышындағы QR-код БЖЗҚ уәкілетті тұлғасының электрондық цифрлық қолтаңбасымен куәландырылған құжаттың электрондық нұсқасына веб-сілтемені қамтиды. Бұл  веб-сілтеме осы құжат берілген күннен бастап 1 (бір) ай ішінде қолжетімді екеніне назар аударамыз.

«БЖЗҚ» АҚ баспасөз орталығы

БАҚ үшін байланыстар: press@enpf.kz