Көшені жарықтандыру:

 2019 жылы люминесцентті шамдар диодты көше шырағдандарға  61 дана ауыстырылды. 2020 жылы Сураганов көшесі бойынша қосымша 7 дана алюминий профильді шамдар орнатылды. 2022 жылы аудандық бюджеттен берілетін трансферттер есебінен жалпы сомасы 3480,0 мың теңгеге 48 дана көлемінде қолданыстағы тіректерге кронштейндер мен жарықтандыру шамдарын орнату жұмыстары жүргізілді. 2023 жылы ауылдық округтің елді мекендерінде қосымша 6 көше жарықтандыру шамдары орнатылды. Бұдан басқа, 2024 жылы Қоржынкөл ауылының Сураганов көшесінде 3 дана көше жарығының қосымша шамдары орнатылды. Бүгінгі күні округте жарықдиодты шамдары бар 116 шам жұмыс істейді.

Жылытумен жабдықтау:

- пешке от жағылатын тұрғын үй саны – 174 үй

Әлеуметтік нысандар Трофимовка ЖОББМ, Жаңақұрылыс ООББМ өз қазандықтарынан жылытылады, ауылдық клуб электр жылытуы бар, ФАП қатты отынмен өз қазандығынан жылытылады.

Сумен жабдықтау:

Ауылдық округте Қоржынкөл ауылында орталықтандырылған сумен жабдықтау бар. 2006 жылы ұзындығы 8,07 км су құбыры желілері қайта жаңартылып, 22 құдық орнатылды. Баланс ұстаушылар «Бастау»  МКК болып табылады. Қоржынкөл ауылында 121 үй бар, оның ішінде 80 үй бүгінгі күні орталық су құбырын пайдаланады, бұл 66,1% құрайды. Қоржынкөл ауылында орналасқан 6 ұйым орталықтандырылған сумен жабдықтауға қосылған. 2021 жылы Тегістік, Покровка және Жаңақұрылыс шағын ауылдарын сапалы ауыз сумен қамтамасыз ету үшін суды тазартуға арналған кешенді блок-модульдер орнатылды, қаражат облыстық бюджеттен 23100,0 мың теңге сомасында бөлінді.

Жолдар:

 Жаңақұрылыс ауылдық округінің кентішілік жолдарының ұзындығы 23,4 км, оның ішінде қатты жабынды төселген жол– 4,5 км, топырақты жол – 18,9 км құрайды.

2023 жылы Қоржынкөл ауылының Достық, Тәуелсіздік көшелерінің кентішілік жолдарының ұзындығы 0,966 км, аудандық бюджеттен берілетін трансферттер есебінен бөлінген 25664,0 мың теңге сомаға орташа жөндеу жүргізілді. 6 дана жол белгілері орнатылып, жол белгілері, жаяу жүргіншілер өткелінің белгілері қойылды.

2024 жылға ұзындығы 1,730 км Қоржынкөл ауылындағы Кравченко көшесінің кентішілік жолын орташа жөндеуге облыстық бюджеттен 65121,0 мың теңге сомасында трансферттер бөлінді. Қазіргі уақытта конкурс жарияланды әлеуетті өнім берушілерден өтінімдер қабылдау жүргізілуде.