Павлодар облысының жер қойнауын пайдалану, қоршаған орта және су ресурстары басқармасы «Павлодар облысы Ертіс өзенің, Біржанкөл, Сабындыкөл, Маралды және Мойылды көлдерінің су қорғау аймақтары мен белдеулерін белгілеу туралы» Павлодар облысы әкімдігінің қаулы жобасы (бұдан әрі-Жоба) дайындады.
Қазақстан Республикасы Су кодексінің 39, 116-баптарына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27-бабы 1-тармағының 8-1) тармақшасына, Қазақстан Республикасының «Құқықтық актілер туралы» Заңының 27-бабына, Қазақстан Республикасы Ауыл шаруашылығы министрінің 2015 жылғы 18 мамырдағы «Су қорғау аймақтары мен белдеулерін белгілеу қағидаларын бекіту туралы» №19-1/446 бұйрығына сәйкес әзірленді.
Осы қаулы жобасын қабылдаудың мақсаты Павлодар облысы Әділет департаментінің Павлодар облысы әкімдігінің 2008 жылғы 20 тамыздағы № 219/8 «Павлодар облысының шекарасындағы Ертіс өзенінің су қорғау аймақтары мен белдеулерін белгілеу туралы» қаулысына, әкімдіктің 2009 жылғы 6 сәуірдегі № 92/6 «Павлодар және Ақсу қалаларының, Біржанкөл, Жасыбай, Сабындыкөл, Торайғыр, Маралды және Мойылды көлдерінің аумағындағы Ертіс өзенінің су қорғау аймақтары мен белдеулерін белгілеу туралы» қаулысына сәйкес келтіру жөніндегі заң бұзушылықты жою туралы ұсынысын орындау 25.06.2019, №8-06/968 26.06.2019 ж.
Жоба бұқаралық ақпарат құралдары «Сарыарқа Самалы» және «Звезде Прииртышья» газеттерінде 2022 жылдың 24 қантарында жарияланды және Басқарманың интернет-ресурсында орналастырылды.
Жоба 2022 жылдың 24 қантарынан 08 ақпанға дейін «Ашық НҚА» порталында орналастырылды (сілтеме: https://legalacts.egov.kz/npa/view?id=13234735), бұдан басқа Павлодар облысының облыстық Қоғамдық кеңесінің ұсынымы алынды.
Осы шешімді іске асыру қаржы талап етпейді.