Павлодар облысы әкімдігінің «Орманда өрт қаупi жоғары болып тұрған
кезеңдерде жеке тұлғалардың Павлодар облысының мемлекеттiк орман қоры аумағында болуына тыйым салу туралы»
қаулысының жобасына баспасөз-релизі
Павлодар облысының жер қойнауын пайдалану, қоршаған орта және су ресурстары басқармасымен Павлодар облысы әкімдігінің «Орманда өрт қаупi жоғары болып тұрған кезеңдерде жеке тұлғалардың Павлодар облысының мемлекеттiк орман қоры аумағында болуына тыйым салу туралы» қаулысының жобасы (бұдан әрі - Жоба) дайындалды.
Жоба Қазақстан Республикасының Орман кодексінің 15-бабының 11) тармақшасына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 27-бабының 2-тармағына сәйкес дайындалды.
Осы қаулыны қабылдаудың мақсаты орман өрттерінің алдын алу үшін орманда өрт қаупі жоғары кезеңдерде жеке тұлғалардың Павлодар облысының мемлекеттік орман қоры аумағында болуына тыйым салу болып табылады.
Аталған жоба 2021 жылдың 8 шілдесінен 2021 жылдың 22 шілдесіне дейін «Ашық НҚА» порталында орналасқан (https://legalacts.egov.kz/arm/admin/viewcard?id=9962230) бұдан басқа, Павлодар облысының облыстық Қоғамдық кеңесіне ұсынымдар алу үшін жіберілді.
Осы қаулыны іске асыру қаржы қаражатын талап етпейді.