Өзіңді тұмаудан сақта!

Суық мезгіл басталысымен вирустық аурулардың, оның бірі қауіпті тұмаудың таралуының артатыны ертеден-ақ белгілі.

Тұмаудың вирусы әлем бойынша таралған.Тұмау вирусы жоғарғы тыныс алу жолдарының,мұрынның, трахеялардың, бронхтардың жыбырлағыш эпителиясының жасушалары арқылы енеді. Осы жасушаларда вирустар көбейіп,олардың бұзылып,жойылуына әкеліп соғады.Бір тәулік ішінде вирус ондаған триллионнан астам вирустарды өндіреді.Соның салдарынан жоғарғы тыныс алу жолдары тітіркенеді,жөтел,түшкіру пайда болып,мұрын бітеледі.

Эпителияның зақымдалған жасушаларын тастап, вирустардың жартысы қанға еніп,барлық мүшелерге тарайды,қан тамырларын,ішкі мүшелерді зақымдайды.Жиі өкпенің, бас миының қан тамырлары зақымдалады.

Тұмау вирусы адам ағзасының иммунитетін (қарсыластығын) төмендетеді.Тұмаудың инкубациялық кезеңі бірнеше сағаттан бастап 2-3 тәулікке дейін созылады.Негізгі белгілері-дене қызуының 40 градусқа дейін және  одан жоғары артуы,әлсіздік,дененің ауруы,бұлшық еттің ауруы,бас ауруы,жұтқыншақтың ауруы,жөтел,мұрынның бітелуі.Тұмау құлақтың,жұтқыншақтың,мұрынның, тіреу-қозғауыш жүйесінің асқынуымен және жүрек-тамырлы, тыныс алу жүйесі,қант диабеті,эндокринді аурулар,бронх демікпесінің созылмалы ауруларының асқынуымен қауіпті.

Тұмау әсіресе 2 жасқа дейінгі балаларда,созылмалы аурулармен ауыратын 65 жастан асқан егде адамдарда ауыр өтеді.Қатерлі топқа жүкті әйелдер де жатады.

Тұмаумен аурудың,асқынулары мен өлім-жітімнің жалғыз ғана және тиімді алдын алу шарасы вакцинациялау болып табылады.Тұмауға қарсы екпені эпидемиялық кезеңнің басталуына дейін жүргізеді.(қараша-желтоқсан).

Тұмаумен және басқа ЖРВИ-мен сырқаттанушылықтың өсуі кезінде алдын-алу шараларын сақтау қажет.

Тұмаудың алғашқы белгілері пайда болған кезде үйге медициналық қызметкерді шақырту керек.

Қолды сабынмен,әсіресе түшкіріп,жөтелегеннен кейін мұқият жуу                            керек.Пәтерді,үй жайларды жиі желдетіп,жуып—тазалау керек.

Көшеге шығар алдында мұрын жолдарына оксалин мазін жағу керек,бұл вирустың тыныс алу жолдарына ену мүмкіндігін төмендетеді.

Өз-өзіңді салқынданудан сақтау.(ауа-райына қарап киіну).

Жаттығу жасау, сумен шайыну,дұрыс ұйықтау,дұрыс тамақтану қажет.Көбірек көкеніс,жемісжеп,табиғи шырын,компот ішу керек.

Адам көп жиналған орындарға баруды шектеу керек.Жеке қорғаныс маскаларын кию.Тұмауды емдегеннен гөрі, ескеру оңай екенін есте сақтаңыздар!