Тәжірибеде пысықталды

2022 жылғы 29 мамырда Шарбақты аудандық аумақтық референдум комиссиясымен «Республикалық референдумда дауыс беру тәртібі және дауыс беру нәтижелерін анықтау» тақырыбында семинар-тренинг ұйымдастырылып, өткізілді. Семинар тыңдаушылары учаскелік референдум комиссия төрағаларының орынбасарлары, хатшылары мен мүшелері  болды.

Шарада спикерлер А.Ж.Касенова, А.С.Омарова және С.Е. Абулхаирова дауыс беруге арналған үй-жайды дайындау және безендіру, комиссия мүшелері арасында функционалдық міндеттерді бөлу, мүмкіндігі шектеулі азаматтарға жағдай жасау мәселелер жөнінде  баяндады.                 А.Ж. Касенова мен С.Е. Абулхайрова рөлдік ойын түрінде көрсетілген сайлау күнін өткізді, және де осы күні туындауы мүмкін барлық жағдайлар мен  мәселелер талданды. ААРК хатшысы сайлаушылар тізімімен, есептен шығару бюллетеньдерді санау, хаттама толтыру жолдарын түсіндірді. А.Ж. Касенова тіркеу журналдарын уақтында және дұрыс  сауатты толтыруды көрсетті, ескертті. С.Е. Абулхаирова сайлау учаскесіндегі еріктілердің жұмысын қалай ұйымдастыру керектігін, дауыс беру рәсімін сайлау учаскесінен тыс жерде қалай өткізу керектігін айтып берді.                      Осылайша, учаскелік референдум комиссияларымен 2022 жылғы 5 маусымда дауыс беру күнін өткізудің алгоритмі іс жүзінде пысықталды. Барлығына жеке  әдістемелік көмек көрсетілді және кеңес берілді.